റെയിൽപാളത്തിൽ എട്ടിടത്ത്​ കരിങ്കല്ല് ചീളുകൾ; ഏറനാട് എക്പ്രസ് വേഗം കുറച്ചതിനാൽ വൻ ദുരന്തം ഒഴിവായി

ഫറോക്ക്: റെയിൽപാളത്തിൽ കുണ്ടായിതോട് ഭാഗത്ത് എട്ടിടങ്ങളിൽ കരിങ്കല്ല് ചീളുകൾ വെച്ച നിലയിൽ. കല്ലുകൾ ശ്രദ്ധയിൽപെട്ട ഏറനാട് എക്പ്രസിലെ എൻജിൻ ഡ്രൈവർ ട്രെയിൻ വേഗം കുറച്ചതിനാൽ വൻ ദുരന്തം ഒഴിവായി. കുണ്ടായിത്തോട് റെയിൽവേ അടി പാതയിൽനിന്ന് മാറി പടിഞ്ഞാറ് ഭാഗത്ത് എട്ടിടത്താണ്​ രണ്ടാം പാളത്തിൽ കരിങ്കൽ ചീളുകൾ​െവച്ചതായി കണ്ടെത്തിയത്. ചൊവ്വാഴ്ച ഉച്ചക്ക്​ രണ്ടു മണിയോടെയാണ് സംഭവം. ട്രാക്കിലെതന്നെ കരിങ്കൽ ചീളുകളാണ് ഇവ. രണ്ടാം ട്രാക്കിലൂടെ വരുകയായിരുന്ന ഏറനാട് എക്സ്പ്രസ് എൻജിൻ ഡ്രൈവറുടെ ശ്രദ്ധയിൽ കരിങ്കൽ ചീളുകൾ കണ്ടതോടെ തീവണ്ടിയുടെ വേഗം കുറച്ച് കല്ലുകൾക്ക് മുകളിലൂടെ കടന്നുപോവുകയായിരുന്നു. വണ്ടിയ​ിലെ ജീവനക്കാർ കോഴിക്കോട് റെയിൽവേ പൊലിസിൽ വിവരമറിയിച്ചതിനെ തുടർന്ന്‌ റെയിൽവേ ഉദ്യോഗസ്ഥർ സ്ഥലത്തെത്തി പരിശോധന നടത്തി. സമീപ പ്രദേശത്തെ കുട്ടികൾ കളിക്കു​േമ്പാൾ ​െവച്ചതാവാനാണ് സാധ്യതയെന്ന് പൊലീസ് പറഞ്ഞു. വിശദമായി അന്വേഷിക്കുമെന്ന് ബന്ധപ്പെട്ടവർ അറിയിച്ചു.