വാർഡിലെ തെങ്ങുകൾ പരിചയമുള്ള രമേശൻ സ്​ഥാനാർഥിയാണ്​

ചേളന്നൂർ: ഏഴാം വാർഡ്​ സ്ഥാനാർഥിയായ രമേശൻ കാരാട്ടി​ൻെറ വീട്ടിലെ കിണർ കണ്ടാൽ പലർക്കും സംശയം തോന്നും പഞ്ചായത്ത്​ കിണറാണോ എന്ന്​. കാരണം ആറേഴ്​ വീടുകളി​േലക്കുള്ള കുടിവെള്ളം പമ്പ്​ ചെയ്യുന്നത്​ രമേശ​ൻെറ കിണറിൽ നിന്നാണ്​. മഴക്കാലമായാലും വേനൽക്കാലമായാലും വെള്ളമെടുക്കലിന്​​ മാറ്റമില്ല. പത്തു വർഷമായി ഇതുതുടരുന്നു. തെങ്ങുകയറ്റ തൊഴിലാളിയായ രമേശന്​ ത​ൻെറ കുട്ടിക്കാല ദാരിദ്ര്യത്തിൽനിന്ന്​ പാ​ഠങ്ങൾ ഏറെ പഠിച്ചിട്ടുണ്ട്​, പരോപകാരമെന്ന സ്​നേഹപാഠം. രാവി​െല 11ഓടെ തേങ്ങ പറിക്കൽ കഴിഞ്ഞുവന്നാൽ അത്യാവശ്യ കാര്യങ്ങൾ ചെയ്​തു തീർത്താൽ പിന്നെ പൊതുപ്രവർത്തനം തന്നെയാണ്​. പ്രദേശത്തെ കുടിവെള്ളത്തിന്​ പരിഹാരമുണ്ടാക്കാൻ വല്ലതും ചെയ്യാൻ കഴിയുമോ എന്ന പരീക്ഷണത്തിനാണ്​ ഇത്തവണ പാർട്ടി നിർബന്ധിച്ചപ്പോൾ സി.പി.എമ്മുകാരനായ രമേശൻ മത്സരിക്കാനിറങ്ങിയത്​. നാൽപതോളം കുടുംബങ്ങൾ ത​ൻെറ വാർഡിൽ കുടിവെള്ള പ്രശ്​നങ്ങൾ അനുഭവിക്കുന്നുണ്ട്​. തനിക്ക്​ വ്യക്​തിപരമായി ചെയ്യാൻ കഴിയുന്നത്​ ചെയ്യുന്നുണ്ടെങ്കിലും എല്ലാവരുടെയും പ്രശ്​നം പരിഹരിക്കാൻ കഴിയുന്നില്ല. ദാരിദ്ര്യം മൂലം ആറാം ക്ലാസിൽ പഠിക്കു​േമ്പാഴേ മരം കയറ്റം തുടങ്ങിയതാണ്​. പിതാവിനെ കാണാനുള്ള ഭാഗ്യം ലഭിക്കാത്ത രമേശന്​ പത്താം ക്ലാസിൽ പഠിക്കു​േമ്പാഴാണ്​ അധ്യാപക​ൻെറ വീട്ടിലെ മരംകയറ്റം തുടങ്ങിയത്​. അതോടെ തൊഴിലും അതായി. വാർഡിലെ ഭൂരിഭാഗം വീടുകളിലെയും തെങ്ങ്​ രമേശന്​ പരിചിതമാണ്​​. പാർട്ടി നോക്കിയല്ലെങ്കിൽ തനിക്ക്​ ഏറെ പേരും വോട്ടുചെയ്യുമെന്നാണ്​ രമേശ​ൻെറ പ്രതീക്ഷ.