Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightകളഞ്ഞുകിട്ടിയ പണം...

കളഞ്ഞുകിട്ടിയ പണം ഉടമക്ക്​ നൽകിയയാളുടെ വീട്ടിൽ കവർച്ച

text_fields
bookmark_border
താമരശ്ശേരി: കളഞ്ഞുകിട്ടിയ പണം ഉടമക്ക്​ തിരികെ നല്‍കി തിരികെയെത്തിയ ആളുടെ വീട്ടിൽ കവർച്ച. താമരശ്ശേരി കാരാടി പാറക്കല്‍വീട്ടില്‍ പി.കെ. ശംസുദ്ദീനാണ്​ ദുരനുഭവം. കൊണ്ടോട്ടിയിലെ കൊറിയര്‍ സര്‍വിസി​ൻെറ വാനില്‍ ഡ്രൈവറായി ജോലി ചെയ്യുന്ന ശംസുദ്ദീന് ശനിയാഴ്ച ഉച്ചക്ക്​ മുക്കം പെട്രോള്‍ പമ്പിന് സമീപത്ത് പതിനായിരം രൂപയും രേഖകളും അടങ്ങിയ പഴ്​സ്​ വീണുകിട്ടി. മുക്കം പൊലീസ്​ സ്​റ്റേഷനിൽ പഴ്​സ്​ ഏൽപിച്ച് മടങ്ങവേ ഉടമ സ്ഥലത്തെത്തിയെന്ന്​ അറിയിച്ച്​ സ്​റ്റേഷനിൽനിന്ന്​ വിളിച്ചു. പൊലീസി​ൻെറ സാന്നിധ്യത്തിൽ ഉടമക്ക്​ പഴ്​സ്​ ​നൽകിയ ചാരിതാർഥ്യത്തോടെ വീട്ടിൽ മടങ്ങിയെത്തിയപ്പോഴാണ്​ കവർച്ച നടന്ന വിവരം അറിയുന്നത്​. പിൻവാതിൽ തകർത്ത നിലയിലാണ്​. സാധനങ്ങളെല്ലാം വാരിവലിച്ചിട്ട നിലയിലും. രണ്ട് പെണ്‍മക്കളുടെ പണക്കുടുക്ക പോലും കുത്തിത്തുറന്നിട്ടുണ്ട്​. അലമാരയിൽ സൂക്ഷിച്ച ഒരു ജോഡി സ്വർണക്കമ്മലും അപഹരിച്ചു. കുടുക്കയിലെ കറന്‍സി മാത്രം ഇരുപതിനായിരം രൂപക്കടുത്തുണ്ടെന്ന്​ ശംസുദ്ദീന്‍ പറയുന്നു. നാണയങ്ങളും മറ്റും കള്ളന്‍ എടുത്തിട്ടില്ല. പത്തു ദിവസമായി ഷംസുദ്ദീ​ൻെറ ഭാര്യയും മക്കളും വീട്ടിലുണ്ടായിരുന്നില്ല. നാലുദിവസം മുമ്പാണ് ഇദ്ദേഹം ജോലിക്കായി പോയത്. ജോലി ആവശ്യാർഥം വിവിധ സ്ഥലങ്ങളില്‍ താമസിച്ച് മടങ്ങിയെത്തിയപ്പോഴാണ്​ കവർച്ച നടന്നത്​ മനസ്സിലാവുന്നത്​. രണ്ടുദിവസം മുമ്പ് സമീപത്തെ വീട്ടില്‍ കള്ളന്‍ കയറിയിരുന്നു. അന്നാവാം ത​ൻെറ വീട്ടിലും കവര്‍ച്ച നടന്നതെന്ന് ശംസുദ്ദീന്‍ കരുതുന്നു. നന്മ ചെയ്ത് മടങ്ങിയ വഴിക്കുതന്നെ ഇത്തരമൊരു ദുരനുഭവം നേരിട്ടതി​ൻെറ ആഘാതത്തിലാണ് ശംസുദ്ദീന്‍. സംഭവത്തില്‍ താമരശ്ശേരി പൊലീസില്‍ പരാതി നല്‍കി.
Show Full Article
TAGS:
Next Story