പുളിമരം വീണ് മൂന്നു വീടുകൾക്ക് നാശനഷ്​ടം

നാദാപുരം: പൊലീസ് സ്​റ്റേഷനു സമീപം ചേറ്റുവെട്ടിയിൽ പുളിമരം വീണ്​ മൂന്നു​ വീടുകൾക്കും പറമ്പിലെ ആരാധനാലയത്തിനും കേടുപാട്​ പറ്റി. ചേറ്റുവെട്ടിത്താഴക്കുനി മാണി, രാജൻ, കൊയ്യോത്തുകുനി പാത്തു എന്നിവരുടെ വീടുകൾക്കാണ് തകരാറ് സംഭവിച്ചത്. ശനിയാഴ്​ച ഉച്ചയോടെ കനത്ത മഴയിൽ പറമ്പിലെ കൂറ്റൻ പുളിമരം കടപുഴകുകയായിരുന്നു. മണിക്കൂറുകൾ നീണ്ട പ്രയത്നത്തിനൊടുവിൽ നാദാപുരം ജനകീയ ദുരന്തസേന പ്രവർത്തകരും ഗ്രീൻ സ്​റ്റാർ റെസ്ക്യൂ അംഗങ്ങളും മരം മുറിച്ചുമാറ്റി. സി.കെ. ബഷീർ, ബഷീർ കോടഞ്ചേരി, ചമ്മത്തിൽ ഫൈസൽ, ഷമീം അലങ്കാർ, കേച്ചേരിൻറവിട സിദ്ദീഖ്, കുറ്റ്യാടി ചാത്തോത്ത് ഫൈസൽ, മഞ്ഞിനോളി മുസ്തഫ, ഗ്രീൻ സ്​റ്റാർ റെസ്ക്യൂ ചേറ്റുവെട്ടി പ്രവർത്തകർ, വി.പി. സാബിർ, നൗഷാദ് ചീളിൽ എന്നിവർ നേതൃത്വം നൽകി.