കെ.പി.എസ്.ടി.എ പ്രതിഷേധ കൂട്ടായ്മ

കോഴിക്കോട്: അധ്യാപക വിദ്യാർഥി അനുപാതം നിലനിര്‍ത്തുക, ദിവസ വേതനക്കാരായ അധ്യാപകര്‍ക്ക് ശമ്പളം നല്‍കുക തുടങ്ങി വിവിധ ആവശ്യങ്ങൾ ഉന്നയിച്ച്​ കെ.പി.എസ്.ടി.എ റവന്യൂ ജില്ല കമ്മിറ്റി പ്രതിഷേധ കൂട്ടായ്മ നടത്തി. പ്രൈമറി ഹെഡ്മാസ്​റ്റർ നിയമനം നടത്തുക, അറബി- ഉർദു-സംസ്‌കൃതം ഭാഷകളില്‍ ഓണ്‍ലൈന്‍ ക്ലാസുകള്‍ നടത്തുക, ഓണറേറിയം ലഭിക്കാത്ത പ്രീ-പ്രൈമറി ജീവനക്കാര്‍ക്ക് സമാശ്വാസം നല്‍കുക തുടങ്ങിയ ആവശ്യങ്ങൾ പ്രതിഷേധ കൂട്ടായ്​മയിൽ ഉന്നയിച്ചു. കെ.പി.എസ്.ടി.എ ജില്ല കമ്മിറ്റി ഓഫിസിൽ നടത്തിയ കൂട്ടായ്​മ ഡി.സി.സി പ്രസിഡൻറ്​ യു. രാജീവന്‍ ഉദ്ഘാടനം ചെയ്തു. ജില്ല പ്രസിഡൻറ്​ സജീവന്‍ കുഞ്ഞോത്ത് അധ്യക്ഷതവഹിച്ചു. സംസ്ഥാന വൈസ് പ്രസിഡൻറ്​ പി.കെ. അരവിന്ദൻ, സംസ്ഥാന സെക്രട്ടറി എന്‍. ശ്യാംകുമാർ, ജില്ല സെക്രട്ടറി ടി. അശോക് കുമാർ, വി.കെ. രമേശൻ, പി.എം. ശ്രീജിത്ത്, പി.ജെ. ദേവസ്യ തുടങ്ങിയവര്‍ സംസാരിച്ചു.