Begin typing your search above and press return to search.
exit_to_app
exit_to_app
Posted On
date_range 4 Sep 2020 11:58 PM GMT Updated On
date_range 4 Sep 2020 11:58 PM GMTസേവന പാതയിൽ എം.കെ. ഗണേശൻ
text_fieldsbookmark_border
ബാലുശ്ശേരി: കോക്കല്ലൂർ ഗവ. ഹയർ സെക്കൻഡറി സ്കൂൾ പ്രിൻസിപ്പൽ എം.കെ. ഗണേശൻ മാസ്റ്റർക്ക് ഇത് ജനകീയതയുടെ അംഗീകാരം. 30 വർഷമായി അധ്യാപക രംഗത്തുണ്ട്. വയനാട്ടിലെ കാക്കവയൽ ഗവ.ഹയർ സെക്കൻഡറി സ്കൂളിലായിരുന്നു സർവിസ് ആരംഭം. ജി.എച്ച്.എസ്.എസ്. അച്ചൂർ, ജി.എച്ച്.എസ്.എസ് കുറ്റ്യാടി, എന്നിവിടങ്ങളിലും പിന്നീട് ജി.എച്ച്.എസ്.എസ് പൂനൂർ, ജി.ജി.എച്ച്.എസ്.എസ് നടക്കാവ് എന്നിവിടങ്ങളിൽ ഹയർ സെക്കൻററി അധ്യാപകനായും സേവനമനുഷ്ഠിച്ചു. ഒരു വർഷം കോഴിക്കോട് കോർപറേഷൻ കൗൺസിലിൻെറ വിദ്യാഭ്യാസ ഇംപ്ലിമൻെറിങ് ഓഫിസറായിരുന്നു. നടക്കാവ് ഗേൾസ് സ്കൂളിനെ അന്താരാഷ്ട്ര നിലവാരത്തിലുള്ള സ്കൂളാക്കി മാറ്റുന്നതിൻെറ പ്രാരംഭ പ്രവർത്തനങ്ങളിൽ സജീവമായിരുന്നു. 2009ൽ കോഴിക്കോട് ഗവ. മോഡൽ ഹയർ സെക്കൻഡറി സ്കൂളിൽ പ്രിൻസിപ്പലായി. തുടർന്ന് ജി.ബി.എച്ച്.എസ്.എസ് തിരൂരിലും പ്രിൻസിപ്പലായി ജോലിചെയ്തു. 2013 മുതൽ കോക്കല്ലൂർ ഗവ.ഹയർ സെക്കൻഡറി സ്കൂളിൽ പ്രിൻസിപ്പലാണ്. കുട്ടികളുമായും നാട്ടുകാരുമായും ഹൃദയബന്ധം പുലർത്തുന്ന ഗണേശൻെറ നിരന്തരമായ ഇടപെടൽ കൊണ്ടുകൂടിയാണ് കോക്കല്ലൂർ ഗവ.ഹയർ സെക്കൻഡറി സ്കൂളിന് ഒരു ഏക്കർ സ്ഥലം സ്വകാര്യ വ്യക്തിയിൽനിന്ന് നേടിയെടുക്കാൻ കഴിഞ്ഞത്. ദേശീയ ബാലശാസ്ത്ര കോൺഗ്രസിൽ തുടർച്ചയായി മൂന്നു വർഷങ്ങളിൽ കോക്കല്ലൂർ ഹയർ സെക്കൻഡറി ജേതാക്കളായതും മൂന്നു വർഷം നന്മ അവാർഡ്, എൻ.എസ്.എസിൻെറ ദത്തുഗ്രാമത്തിലെ പച്ചക്കറികൃഷി അവാർഡ്, സ്കൗട്ട്സ് ട്രൂപ് ചീഫ് മിനിസ്റ്റേഴ്സ് സംസ്ഥാന പുരസ്കാരം, സംസ്ഥാന സ്കൂൾ കലോത്സവത്തിൽ നാടകം, ചവിട്ടുനാടകം ഇനങ്ങളിൽ വിജയം നേടിയതും മാസ്റ്ററുടെ സജീവ പ്രവർത്തനത്തിലാണ്. ബാലുശ്ശേരി വട്ടോളി ബസാറിൽ പരപ്പുറത്ത് ചാലിൽ നീലിമയിൽ പാരമ്പര്യ വൈദ്യനായ കുഞ്ഞിരാമൻ വൈദ്യരുടെയും നാരായണിയുടെയും മകനാണ്. പേരാമ്പ്ര പിന്നാക്ക സമുദായ വികസന കോർപറേഷനിൽ അക്കൗണ്ടൻറായ ബേബി റീനയാണ് ഭാര്യ. കേരള യൂനിവേഴ്സിറ്റിയിൽ പി.ജി. വിദ്യാർഥിനിയായ മേധ, മനിയ എന്നിവരാണ് മക്കൾ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story