Begin typing your search above and press return to search.
exit_to_app
exit_to_app
Posted On
date_range 17 Aug 2020 11:58 PM GMT Updated On
date_range 17 Aug 2020 11:58 PM GMTഓണത്തിന് കെ.എസ്.ആർ.ടി.സിയുടെ കർണാടക സർവിസ്
text_fieldsbookmark_border
കോഴിക്കോട്: കെ.എസ്.ആര്.ടി.സി ബംഗളൂരു, മൈസൂരു എന്നിവിടങ്ങളിലേക്കും തിരിച്ചും ഓണത്തിന് സ്പെഷല് സര്വിസുകള് നടത്തുമെന്ന് ഗതാഗത മന്ത്രി എ.കെ. ശശീന്ദ്രന് അറിയിച്ചു. തിരുവനന്തപുരത്തുനിന്ന് പാലക്കാടും കോഴിക്കോടും വഴിയാണ് റിസർവേഷന് സൗകര്യമുള്ള സര്വിസ് നടത്തുക. www.online.keralartc.com എന്ന വെബ്സൈറ്റില് ടിക്കറ്റ് റിസർവേഷൻ തുടങ്ങി. മതിയായ യാത്രക്കാരില്ലെങ്കില് സര്വിസ് നിര്ത്തിവെക്കും. കേരളം, തമിഴ്നാട്, കര്ണാടക സര്ക്കാറുകള് പെട്ടെന്ന് അനുമതി നിഷേധിച്ചാല് യാത്രക്കാര്ക്ക് മുഴുവന് തുകയും തിരിച്ചുനല്കുമെന്നും മന്ത്രി പറഞ്ഞു. ഈ സര്ക്കാറുകളുടെ എല്ലാ തരത്തിലുള്ള അനുമതിയും ലഭിക്കുന്നതിനുള്ള നടപടികൾ സ്വീകരിച്ചിട്ടുണ്ട്. 10 ശതമാനം അധികനിരക്കുള്പ്പെടെ എൻഡ് ടു എൻഡ് നിരക്കുകള് പ്രകാരമാണ് സർവിസ് നടത്തുക. എല്ലാ യാത്രക്കാരും കോവിഡ് ജാഗ്രത പോര്ട്ടലില് പേര് രജിസ്റ്റര് ചെയ്യണം. യാത്രക്കുമുമ്പ് കേരളത്തിലേക്കുള്ള യാത്രാപാസ് കരുതണം. ആവശ്യപ്പെടുന്ന പക്ഷം ഹാജരാക്കണം. യാത്രയിൽ മാസ്ക് ധരിക്കുക, സാനിറ്റൈസര് ഉപയോഗിക്കുക തുടങ്ങിയ നിയന്ത്രണങ്ങള് പാലിക്കുമെന്ന് ഉറപ്പാക്കേണ്ടതാണെന്നും മന്ത്രി പറഞ്ഞു. യാത്രക്കുമുമ്പ് ആരോഗ്യസേതു ആപ് ഡൗണ്ലോഡ് ചെയ്ത് സൂക്ഷിക്കണം. യാത്രയുമായി സംബന്ധിച്ച കൂടുതല് വിവരങ്ങള് 9447071021 എന്ന നമ്പറിലും www.online.keralartc.com വെബ്സൈറ്റിലും ലഭിക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story