നിർമാണത്തിലെ അപാകതയെന്ന്; അഗസ്ത്യൻ മുഴി- കുന്ദമംഗലം റോഡ് തകർന്നു.

മുക്കം: അഗസ്ത്യൻ മുഴി -കുന്ദമംഗലം റോഡ് വീണ്ടും തകർന്നു. കേന്ദ്ര ഫണ്ട് ഉപയോഗിച്ച് 14 കോടി ചെലവിൽ നിർമിക്കുന്ന റോഡ് പണി പൂർത്തീകരിക്കുന്നതിന്​ മുമ്പ് തന്നെ രണ്ടാം തവണയും തകർച്ചയിലായി. മണാശ്ശേരി സ്കൂളിന് സമീപത്താണ് റോഡ് തകർന്ന് ടാറിങ്​ ഇളകി മെറ്റൽ ഇളകി പരന്നത്‌. വൈകുന്നേരത്തോടെ കരാറുകാര​ൻെറ നിർദേശപ്രകാരം തൊഴിലാളികൾ എത്തി കുഴികൾ അടച്ചിട്ടുണ്ട്. പ്രവൃത്തിയുടെ തുടക്കത്തിൽ തന്നെ ടാറിങ്​ ആവശ്യത്തിന് ഉപയോഗിച്ചില്ലെന്ന് ആക്ഷേപമുയർന്നിരുന്നു. ടാറിങ്​ വേണ്ടത്ര നിലവാരമില്ലാത്തതിനാലാണ്​ റോഡ് തകർന്നതെന്ന് നാട്ടുകാർ പരാതിപ്പെടുന്നു. സമീപത്തെ വീട്ടുകാരടക്കം റോഡി​ൻെറ തകർച്ച കരാറുകാര​ൻെറ ശ്രദ്ധയിൽപെടുത്തിയെങ്കിലും ക്വാറിയിലെ ചെങ്കല്ല് പൊടി വിതറി ഓട്ടയടക്കുകയാണ്​ ചെയ്​തത്​ എന്നാണ്​ ആക്ഷേപം. മൂന്ന് മാസം മുമ്പ് ടാറിങ്​ പൂർത്തീകരിച്ച റോഡ് മാമ്പറ്റ ഭാഗത്ത് തകർന്നിരുന്നു. ഇക്കാര്യം ചൂണ്ടിക്കാണിച്ച് മുക്കം ജെ.സി.ഐ, മുക്കം മൈത്രി എന്നിവർ പൊതുമരാമത്ത് വകുപ്പിനും, എക്സിക്യൂട്ടിവ് എൻജിനീയർക്കും പരാതി നൽകിയിരുന്നു. കോടികൾ ചെലവഴിച്ച് നിർമിച്ച റോഡിന് ഓവുചാൽ പോലും പലയിടത്തും നിർമിച്ചിട്ടില്ല.