ഉപവാസ സമരം നടത്തി

മുക്കം: ബി.ജെ.പി നേതാവ് പ്രതിയായ പാലത്തായി കേസ് അട്ടിമറിക്കാൻ ശ്രമിച്ച ഐ.ജി ശ്രീജിത്തിനെ അന്വേഷണ ചുമതലയിൽനിന്ന്​ നീക്കം ചെയ്യുക, പോക്സോ നിയമത്തിലെ മാർഗ നിർദേശങ്ങളും സർവിസ് ചട്ടങ്ങളും ലംഘിച്ച് ലൈംഗികാതിക്രമത്തിനിരയായ പെൺകുട്ടിയെ പൊതുജനമധ്യത്തിൽ അവഹേളിച്ച ഐ.ജിക്കെതിരെ വകുപ്പുതല നടപടി സ്വീകരിക്കുക എന്നീ ആവശ്യങ്ങൾ ഉന്നയിച്ച് കാരശ്ശേരി പഞ്ചായത്ത് ഗ്ലോബൽ കെ.എം.സി.സി സെക്രട്ടറി ഇ.കെ. മിജിയാസ് വീട്ടിൽ ഉപവാസം നടത്തി. കേരളത്തിലെ സാംസ്കാരിക പ്രവർത്തകർ ആഹ്വാനം ചെയ്ത ഉപവാസത്തിന് ഐക്യദാർഢ്യം പ്രഖ്യാപിച്ചായിരുന്നു സമരം. പഞ്ചായത്ത് ഗ്ലോബൽ കെ.എം.സി.സി പ്രസിഡൻറ്​ എ.കെ സാദിഖ് നാരങ്ങാനീര് നൽകി ഉപവാസം അവസാനിപ്പിച്ചു. സമദ് മുക്കം, ഷഫീഖ് മുക്കം എന്നിവർ സംബന്ധിച്ചു.