പഞ്ചായത്ത് ഇൻഡോർ സ്​റ്റേഡിയം നോക്കുകുത്തിയാകുന്നു

ബാലുശ്ശേരി: കായികപ്രേമികൾ കാത്തിരുന്ന പഞ്ചായത്ത് ഇൻഡോർ സ്​റ്റേഡിയം നോക്കുകുത്തിയായി. പുരുഷൻ കടലുണ്ടി എം.എൽ.എയുടെ ആസ്തിവികസന ഫണ്ടിൽനിന്നുള്ള ഒന്നര കോടി രൂപ ചെലവാക്കിയാണ് വൈകുണ്ഠത്തിൽ പഞ്ചായത്ത് സ്​റ്റേഡിയത്തിനുള്ളിലായി ഇൻഡോർ സ്​റ്റേഡിയം പണികഴിപ്പിച്ചത്. സ്​റ്റേഡിയത്തിനുള്ളിൽ മരപ്പാളികൾകൊണ്ട് കോർട്ട് പൂർത്തിയായെങ്കിലും കാണികൾക്കുള്ള ഇരിപ്പിട സൗകര്യം ഇനിയും നിർമിച്ചിട്ടില്ല. വൈദ്യുതീകരണവും പൂർത്തിയാകാനുണ്ട്. വൈദ്യുതീകരണം ഉൾപ്പെടെയുള്ള ജോലികൾ ഉടൻ പൂർത്തിയാക്കി ഒരു മാസത്തിനുള്ളിൽ ഇൻഡോർ സ്​റ്റേഡിയം ഉദ്​ഘാടനം നടത്താനാകുമെന്നാണ് പഞ്ചായത്ത് പ്രസിഡൻറ്​ പറയുന്നത്. സ്​​േറ്റഡിയത്തി​ൻെറ പരിസരം ഇപ്പോൾ കാടുപിടിച്ച നിലയിലാണ്. സന്ധ്യകഴിഞ്ഞാൽ സാമൂഹികദ്രോഹികളുടെ താവളമായി ഇവിടം മാറുന്നുണ്ട്. ടി.എൻ. സീമ എം.പിയുടെ വികസന ഫണ്ടിൽനിന്നുള്ള 25 ലക്ഷം രൂപ ഉപയോഗിച്ച് സ്​റ്റേഡിയത്തി​ൻെറ കവാടം വർഷങ്ങൾക്കു മുമ്പേ പണികഴിപ്പിച്ചിട്ടുണ്ട്. കവാടത്തി​ൻെറ ഇരുമ്പു​േഗറ്റും പെയിൻറുമെല്ലാം നശിച്ചുകൊണ്ടിരിക്കയാണ്. എ.സി. ഷൺമുഖദാസ് മന്ത്രിയായിരുന്ന കാലത്ത് അനുവദിച്ച ഗ്രാമീണ സ്​റ്റേഡിയത്തിൽപെട്ടതാണ് ബാലുശ്ശേരി പഞ്ചായത്ത് സ്​റ്റേഡിയം. ഇൻഡോർ സ്​റ്റേഡിയം എ.സി. ഷൺമുഖദാസി​ൻെറ സ്മരണക്കായി സമർപ്പിച്ച് അദ്ദേഹത്തി​ൻെറ പേരിൽ നാമകരണം ചെയ്യണമെന്ന് ഷൺമുഖദാസ് കൾച്ചറൽ ഫോറം ആവശ്യപ്പെട്ടിട്ടുണ്ട്.