Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightപാലത്തായി പീഡനം:...

പാലത്തായി പീഡനം: അന്വേഷണത്തിൽ വനിത ഐ.പി.എസ് ഉദ്യോഗസ്ഥയും; സംഘം പാലത്തായിയിലെത്തി

text_fields
bookmark_border
പാനൂർ: ഹൈകോടതി നിർദേശത്തെത്തുടർന്ന്​ പാലത്തായി പീഡനക്കേസ്​ അന്വേഷണത്തിൽ വനിത ഐ.പി.എസ് ഉദ്യോഗസ്​ഥയും. കണ്ണൂർ നാർക്കോട്ടിക്​സ്​ എ.എസ്​.പി രേഷ്​മ രമേഷിനെയാണ്​ അന്വേഷണ സംഘത്തിൽ ഉൾപ്പെടുത്തിയത്​. ഇവരുൾപ്പെടെയുള്ള അന്വേഷണ സംഘം വെള്ളിയാഴ്​ച പാലത്തായിയിലെത്തി. പീഡനത്തിനിരയായ പെൺകുട്ടിക്ക്​ നീതി നിഷേധിക്കുംവിധം ശബ്​ദസന്ദേശത്തിലൂടെ ​ വിവാദം സൃഷ്​ടിച്ച ഐ.ജി എസ്​. ശ്രീജിത്തി​ൻെറ നേതൃത്വത്തിലുള്ള സംഘമാണ്​ പാലത്തായിയിൽ എത്തിയത്​. ഐ.ജിയുടെ നിലപാടിനെതിരെ വ്യാപക പ്രതിഷേധം ഉയർന്നിരുന്നു. പെൺകുട്ടിയുടെ മാതാവും ആക്​ഷൻ കമ്മിറ്റി ഭാരവാഹികളും ​ഐ.ജി ശ്രീജിത്തിൽ അവിശ്വാസം രേഖ​പ്പെടുത്തിയിരുന്നു. അന്വേഷണ സംഘത്തിൽ വനിത ഓഫിസറെ ഉൾപ്പെടുത്തണമെന്ന ആവശ്യമുന്നയിച്ച്​ മുഖ്യമ​ന്ത്രിക്കും പരാതി നൽകിയിരുന്നു. കോടതിയിലും ഇതേ ആവശ്യം ഉന്നയിച്ചു. എന്നാൽ, ഐ.ജി ശ്രീജിത്തിനെ അന്വേഷണ ചുമതലയിൽ നിന്ന്​ നീക്കാൻ സർക്കാർ തയാറായിട്ടില്ല. അദ്ദേഹത്തെ മാറ്റണമെന്നാവശ്യപ്പെട്ട്​ വിവിധ സംഘടനകൾ ജില്ലയിൽ ​സമരരംഗത്താണ്​. അദ്ദേഹത്തി​ൻെറ നേതൃത്വത്തിൽ തന്നെയാണ്​ അന്വേഷണം നടക്കുന്നത്​. സ്​ഥലത്തെത്തിയ അന്വേഷണ സംഘം പെൺകുട്ടിയുടെ ബന്ധുക്കളും ആക്​ഷൻ കമ്മിറ്റി ഭാരവാഹികളുമായി കൂടിക്കാഴ്​ച നടത്തി. തുടരന്വേഷണത്തിന് കോടതി ഉത്തരവിട്ടതി​ൻെറ അടിസ്ഥാനത്തിലാണ് സന്ദർശനം.
Show Full Article
TAGS:
Next Story