എന്‍. ബാലന്‍ മാസ്​റ്റര്‍ അനുസ്മരണം

മേപ്പയൂർ: എന്‍.സി.പി ബ്ലോക്ക് സെക്രട്ടറിയായിരുന്ന എന്‍. ബാലന്‍ മാസ്​റ്ററുടെ ചരമദിനം ആചരിച്ചു. എൻ.സി.പി മേപ്പയൂർ മണ്ഡലം കമ്മിറ്റിയുടെ നേതൃത്വത്തിൽ നടന്ന അനുസ്മരണ പരിപാടി ജില്ല സെക്രട്ടറി പി.കെ.എം. ബാലകൃഷ്ണന്‍ ഉദ്ഘാടനം ചെയ്തു. മണ്ഡലം പ്രസിഡൻറ്​ നാരായണന്‍ മേലാട്ട് അധ്യക്ഷത വഹിച്ചു. ബ്ലോക്ക് പ്രസിഡൻറ്​ ഇ. കുഞ്ഞിക്കണ്ണന്‍ അനുസ്മരണ പ്രഭാഷണം നടത്തി. വി. കുഞ്ഞിരാമന്‍ കിടാവ്, ഇ.എം. ശങ്കരന്‍, ടി.കെ. പ്രഭാകരന്‍, കെ. ഗംഗാധരൻ, വി.സി. രാധാകൃഷ്ണന്‍ എന്നിവർ സംസാരിച്ചു.