Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKottayamchevron_rightവോട്ടിനോട്ടം

വോട്ടിനോട്ടം

text_fields
bookmark_border
പുതുപ്പള്ളിയിൽ സജി കെ.വർഗീസ്‌; നിർമല ജിമ്മി കുറവിലങ്ങാട്ട്​ . ജില്ല പഞ്ചായത്തിലെ‌ എൽ.ഡി.എഫ്‌ സ്ഥാനാർഥികളെ പ്രഖ്യാപിച്ചു കോട്ടയം: ജില്ല പഞ്ചായത്തിലെ എൽ.ഡി.എഫ്‌ സ്ഥാനാർഥികളെ പ്രഖ്യാപിച്ചു. സി.പി.എം ജില്ല സെക്രട്ടറി വി.എൻ. വാസവനാണ്​ ഔദ്യോഗികമായി സ്ഥാനാർഥി പ്രഖ്യാപനം നടത്തിയത്​. പിന്നാലെ ഇവരെല്ലാം നാമനിർദേശപത്രികകൾ സമർപ്പിച്ചു. ഒമ്പതുവീതം സീറ്റുകളിൽ സി.പി.എമ്മും കേരള കോൺഗ്രസ്‌ ജോസ്​ വിഭാഗവും നാല്​ സീറ്റിൽ സി.പി.ഐയുമാണ്​ മത്സരിക്കുന്നത്​. കുറിച്ചി, കുമരകം, തൃക്കൊടിത്താനം, പുതുപ്പള്ളി, പാമ്പാടി, പൊൻകുന്നം, മുണ്ടക്കയം, വെള്ളൂർ, തലയാഴം ഡിവിഷനുകളിലാണ്‌ സി.പി.എം സ്ഥാനാർഥികൾ. പൂഞ്ഞാർ, ഭരണങ്ങാനം, കാഞ്ഞിരപ്പള്ളി, അയർക്കുന്നം, ഉഴവൂർ, കുറവിലങ്ങാട്‌, കടുത്തുരുത്തി, കിടങ്ങൂർ, അതിരമ്പുഴ ഡിവിഷനുകളിൽ കേരള കോൺഗ്രസ്‌ ജോസ്​ വിഭാഗവും എരുമേലി, കങ്ങഴ, വാകത്താനം, വൈക്കം ഡിവിഷനുകളിൽ സി.പി.ഐയും മത്സരിക്കും. സ്ഥാനാർഥികൾ: കുറിച്ചി-കെ.എം. രാധാകൃഷ്‌ണൻ, കുമരകം- കെ.വി. ബിന്ദു, തൃക്കൊടിത്താനം- മഞ്‌ജു സുജിത്‌, പാമ്പാടി- ഫ്ലോറി മാത്യു, പുതുപ്പള്ളി- സജി.കെ. വർഗീസ്‌, പൊൻകുന്നം- ടി.എൻ. ഗിരീഷ്‌കുമാർ, മുണ്ടക്കയം-പി.ആർ. അനുപമ, വെള്ളൂർ- ടി.എസ്‌. ശരത്‌, തലയാഴം- ഹൈമി ബോബി, എരുമേലി- ശുഭേഷ്‌ സുധാകരൻ, കങ്ങഴ- ഹേമലത പ്രേംസാഗർ, വാകത്താനം- ലൈസാമ്മ ജോർജ്‌, വൈക്കം-പി.എസ്‌. പുഷ്‌പമണി, പൂഞ്ഞാർ-അഡ്വ. ബിജു ജോസഫ്‌ ഇളംതുരുത്തി, ഭരണങ്ങാനം-രാജേഷ്‌ വാളിപ്ലാക്കൽ, കാഞ്ഞിരപ്പള്ളി- ജെസി സാജൻ‌, അയർക്കുന്നം-ജോസഫ്‌ ചാമക്കാല, ഉഴവൂർ-പി.എം. മാത്യു, കുറവിലങ്ങാട്‌ -നിർമല ജിമ്മി, കടുത്തുരുത്തി-ജോസ്‌ പുത്തൻകാല, കിടങ്ങൂർ-ടോബിൻ.കെ. അലക്‌സ്, അതിരമ്പുഴ-ബിന്ദു ബൈജു മാതിരമ്പുഴ. പതിവുവിട്ട്​ ഇത്തവണ നാമനിർദേശപത്രിക സമർപ്പിക്കാനുള്ള അവസാനദിനമായ വ്യാഴാഴ്​ച രാവിലെയാണ്​ എൽ.ഡി.എഫ്​ സ്ഥാനാർഥികളെ പ്രഖ്യാപിച്ചത്​. മുൻ തെരഞ്ഞെടുപ്പുകളിൽ ആദ്യം സ്ഥാനാർഥിയെ പ്രഖ്യാപിച്ച്​ നേ​രത്തേ പ്രചരണരംഗത്തേക്കിറങ്ങുകയായിരുന്നു സി.പി.എം രീതി. ജോസ്​ വിഭാഗം എത്തിയതോടെ തർക്കം ഉടലെടുത്തതാണ്​ വൈകാൻ കാരണമായത്​.
Show Full Article
TAGS:
Next Story