Begin typing your search above and press return to search.
exit_to_app
exit_to_app
Posted On
date_range 25 Dec 2020 12:01 AM GMT Updated On
date_range 25 Dec 2020 12:01 AM GMTവേഗ 2 എ.സി ബോട്ട് ടൂറിസം സർവിസ് തുടങ്ങി
text_fieldsbookmark_border
കോട്ടയം: വിനോദസഞ്ചാരികൾക്കായി വേഗ 2 എ.സി ബോട്ട് ആലപ്പുഴ-കുമരകം സർക്കുലർ സർവിസ് തുടങ്ങി. രാവിലെ മുതൽ വൈകീട്ടുവരെ ആലപ്പുഴയിൽനിന്ന് പുന്നമട, മുഹമ്മ, കായിപ്പുറം, പാതിരാമണൽ, ആർ ബ്ലോക്ക് വഴി തിരിച്ച് ആലപ്പുഴയിൽ എത്തും. ടൂറിസം ട്രിപ്പിന് എ.സിക്ക് 600 രൂപയും നോൺ എ.സിക്ക് 400 രൂപയുമാണ് നിരക്ക്. ബോട്ടിൽ കുടുംബശ്രീയുടെ ഭക്ഷണശാലയും ഉണ്ട്. കോട്ടയം-ആലപ്പുഴ റൂട്ടിൽ യാത്രസർവിസും ടൂറിസം സർവിസും ലക്ഷ്യമിട്ടാണ് വേഗ ആരംഭിച്ചത്. എന്നാൽ, യാത്രസർവിസ് തുടങ്ങിയിട്ടില്ല. യാത്രക്കാരുടെ എണ്ണം കൂടുന്നത് കോവിഡ് നിയന്ത്രണങ്ങൾ കൃത്യമായി പാലിക്കുന്നതിന് തടസ്സമാകുമെന്നതിനാലാണ് വൈകുന്നത്. നിലവിലെ നിയന്ത്രണങ്ങൾ നീങ്ങിയശേഷമേ യാത്ര സർവിസ് തുടങ്ങൂ. 120 പേർക്ക് യാത്ര ചെയ്യാവുന്ന ബോട്ടിൽ 40 സീറ്റ് എ.സിയും 80 സീറ്റ് നോൺ എ.സിയുമാണ്. രാവിലെ 7.30ന് കോട്ടയത്തുനിന്ന് പുറപ്പെട്ട് 8.30ന് ആലപ്പുഴയിൽ എത്തും. തുടർന്ന് ടൂറിസം സർക്കുലർ സർവിസ്. വൈകീട്ട് 5.30ന് ആലപ്പുഴയിൽനിന്ന് പുറപ്പെട്ട് 6.30ന് കോട്ടയത്തെത്തുംവിധമാണ് സർവിസ് ക്രമീകരിച്ചിരുന്നത്. മണിക്കൂറിൽ 25 കി.മീ. ആണ് ബോട്ടിൻെറ വേഗം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story