Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKottayamchevron_rightപൊലീസിനെതിരെ...

പൊലീസിനെതിരെ ഷെഫീഖി​െൻറ കുടുംബം

text_fields
bookmark_border
പൊലീസിനെതിരെ ഷെഫീഖി​ൻെറ കുടുംബം കോട്ടയം: കാഞ്ഞിരപ്പള്ളി വട്ടകപ്പാറ തൈപ്പറമ്പിൽ ഷെഫീഖ്​ കോട്ടയം മെഡിക്കൽ കോളജ്​ ആശുപത്രിയിൽ ചികിത്സയിലിരിക്കെ മരിച്ച സംഭവത്തിൽ പൊലീസിനെതിരെ ആരോപണവുമായി കുടുംബം. പൊലീസ് പിടിച്ചുകൊണ്ടുപോയത് കാരണം പറയാതെയാണെന്ന്​ ഷെഫീഖി​ൻെറ ഭാര്യ സെറീന മാധ്യമങ്ങളോട്​ പറഞ്ഞു. ആദ്യം കാഞ്ഞിരപ്പള്ളി സ്​റ്റേഷനിലാണെന്ന്​ ഷെഫീഖ് ഫോണ്‍ ചെയ്ത് അറിയിച്ചു. അവിടെ എത്തിയപ്പോള്‍ ഉദയംപേരൂര്‍ പൊലീസ് കൊണ്ടുപോയെന്ന് പറഞ്ഞു. പിന്നെ അറിയുന്നത് മരണവിവരമാണെന്നും സെറീന പറഞ്ഞു. ഒറ്റക്ക്​ താമസിക്കുന്ന വയോധികയെ കബളിപ്പിച്ച് 3000 രൂപയും സ്വർണക്കമ്മലും തട്ടിയെടുത്തെന്ന കേസിലാണ് ഷെഫീഖിനെ തിങ്കളാഴ്ച കൊച്ചി ഉദയംപേരൂർ പൊലീസ് അറസ്​റ്റ്​ ചെയ്തത്. റിമാൻഡിലായ ഷെഫീഖിനെ കാക്കനാട് ജില്ല ജയിലിനോടനുബന്ധിച്ച ബോസ്​റ്റൽ സ്കൂൾ ക്വാറൻറീൻ സൻെററിൽ പാർപ്പിച്ചു. ഇവിടെവെച്ച്​ അപസ്മാരബാധയുണ്ടാകുകയും കൊച്ചി ജനറൽ ആശുപത്രിയിൽ പ്രവേശിപ്പിക്കുകയുമായിരുന്നെന്നാണ്​ ജയിൽ അധികൃതർ പറയുന്നത്​. ബുധനാഴ്​ച പ​ുലർച്ച കോട്ടയം മെഡിക്കൽ കോളജ് ആശുപത്രിയിലേക്ക്​ മാറ്റിയെങ്കിലും വൈകീട്ട്​ മൂന്നോടെ മരിച്ചു.
Show Full Article
TAGS:
Next Story