Begin typing your search above and press return to search.
exit_to_app
exit_to_app
Posted On
date_range 27 Dec 2020 12:00 AM GMT Updated On
date_range 27 Dec 2020 12:00 AM GMTഅന്തർ ജില്ല വാഹനമോഷ്ടാക്കൾ പിടിയിൽ
text_fieldsbookmark_border
മല്ലപ്പള്ളി: വർക്ഷോപ്പിൽ പണിയുന്നതിന് സൂക്ഷിച്ചിരുന്ന മാരുതി കാർ മോഷ്ടിച്ച് കടന്ന അന്തർജില്ല വാഹനമോഷ്ടാക്കൾ തിരുവനന്തപുരത്ത് പൊലീസ് പിടിയിൽ. കഴക്കൂട്ടം പുല്ലാട്ടക്കാരി സോമസൂര്യ വീട്ടിൽ വാടകക്ക് താമസിച്ചുവന്ന നെടുമങ്ങാട് പത്താംകല്ല് ശിവദീപം വീട്ടിൽ അനന്തൻ ശിവകുമാർ (19), നെയ്യാറ്റിൻകര ധനുെവച്ചപുരത്ത് ഷാഹിന മൻസിലിൽ വീട്ടിൽ ഹാഷിദ് (18) എന്നിവരാണ് പിടിയിലായത്. ഇവരുടെ സുഹൃത്തായ കൊല്ലം സ്വദേശി ഷാൻ ഓടിമറഞ്ഞു. വാഹനം മോഷ്ടിച്ച് കടക്കുന്നതിനിടെ തിരുവനന്തപുരം വാരനല്ലൂരിൽ വാഹന പരിശോധന നടത്തുകയായിരുന്ന പൊലീസ് കൈ കാണിച്ച് നിർത്തിച്ചപ്പോൾ ഷാൻ ഇറങ്ങി ഓടുകയായിരുന്നു. സംശയം തോന്നിയ പൊലീസ് മറ്റ് രണ്ടുപേരെയും ചോദ്യം ചെയ്തപ്പോഴാണ് മോഷ്ടിച്ച വാഹനമാണെന്ന് പറഞ്ഞത്. തുടർന്ന് തിരുവല്ല ഡിവൈ.എസ്.പി രാജപ്പൻെറ നിർദേശാനുസരണം കീഴ്വായ്പൂര് ഇൻസ്പെക്ടർ സി.ടി. സഞ്ചയുടെ നേതൃത്വത്തിൻ പ്രതികളെ വാരനല്ലൂരിലെത്തി അറസ്റ്റ് ചെയ്ത് വാഹനം കസ്റ്റഡിയിലെടുത്തു. അനന്തൻ പിടിച്ചുപറി, വാഹനമോഷണം ഉൾപ്പെടെ പത്തോളം കേസിലെ പ്രതിയാണെന്ന് പൊലീസ് പറഞ്ഞു. ഇവർ കൂട്ടായി നടത്തിയ മറ്റ് മോഷണങ്ങളെപ്പറ്റിയും പൊലീസ് കൂടുതലായി അന്വേഷിച്ചുവരുകയാണ്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story