Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKottayamchevron_rightപാലാ: ജോസ്​...

പാലാ: ജോസ്​ വിഭാഗവുമായി തുറന്ന പോരിന്​ എൻ.സി.പി

text_fields
bookmark_border
കോട്ടയം: പാലാ നിയമസഭ സീറ്റിനെച്ചൊല്ലി കേരള കോൺഗ്രസ്​ ജോസ്​ വിഭാഗവുമായി തുറന്ന പോരിന്​ എൻ.സി.പി. പാലാ വിട്ടുകൊടുത്തുള്ള ഒരു ഒത്തുതീർപ്പിനുമില്ലെന്ന്​ മുന്നറിയിപ്പ്​ നൽകിയ മാണി സി. കാപ്പൻ എം.എൽ.എ, വിഷയം പാർട്ടി സംസ്ഥാന നേതൃത്വം ഏറ്റെടുക്കുന്നില്ലെങ്കിൽ ഒറ്റക്ക്​ കടുത്ത തീരുമാനത്തിലേക്ക്​ നീങ്ങുമെന്നും അറിയിച്ചിട്ടുണ്ട്​.​ അതിനിടെ പാലാ വിഷയം ഇടതു മുന്നണി ചർച്ച ചെയ്​ത്​ തീരുമാനിക്ക​ട്ടെയെന്ന്​ ​േജാസ് ​െക. മാണിയും വ്യക്തമാക്കി. പാലാ സീറ്റിൽ വിട്ടുവീഴ്​ച വേണ്ടെന്ന നിലപാടിലാണ്​​ ജോസ്​ വിഭാഗവും. യു.ഡി.എഫ്​ വാതിൽ തുറന്നിട്ടിരിക്കുന്ന സാഹചര്യത്തിൽ കാപ്പൻ കടുത്ത നിലപാടിന്​ മടിക്കില്ലെന്ന സൂചന​​​ അദ്ദേഹവുമായി ബന്ധപ്പെട്ട കേന്ദ്രങ്ങളും നൽകുന്നു. യു.ഡി.എഫിലേക്ക്​ പോകുമോയെന്ന ചോദ്യത്തിന്​ 'വര​ട്ടെ'യെന്ന്​ മറുപടി നൽകിയ കാപ്പൻ ഒരു സാഹചര്യത്തിലും പാലാ സീറ്റിൽ വിട്ടുവീഴ്​ചക്കില്ലെന്ന നിലപാട്​​ ​വ്യാഴാഴ്​ചയും ആവർത്തിച്ചു. എൽ.ഡി.എഫ്​ ജില്ല കമ്മിറ്റി വിഷയത്തിൽ ഇടപെട്ടിട്ടുണ്ട്​. തദ്ദേശ തെരഞ്ഞെടുപ്പിൽ പാലായിൽ ഇടതു മുന്നണിക്ക്​ ഭൂരിപക്ഷം കുറഞ്ഞെന്നും ജോസ് കെ. മാണിയുടെ അവകാശവാദം ശരിയല്ലെന്നുമുള്ള കാപ്പ​​ൻെറ പരസ്യവിമർശനവും ഇടതു​ മുന്നണി നേതൃത്വം ഗൗരവമായി കാണുന്നതായാണ്​ വിവരം. മധ്യതിരുവിതാംകൂർ രാഷ്​ട്രീയത്തെ തദ്ദേശ തെരഞ്ഞെടുപ്പിലൂടെ കേരള കോൺഗ്രസ്​ മാറ്റിമറിച്ച സാഹചര്യത്തിൽ കാപ്പ​​ൻെറ വിമർശനം അതിരുവി​ട്ടെന്നാണ്​ നേതൃത്വം വിലയിരുത്തുന്നത്​. ​ഉപതെരഞ്ഞെടുപ്പിൽ തനിക്ക്​ കിട്ടിയ ഭൂരിപക്ഷം തദ്ദേശ തെരഞ്ഞെടുപ്പിൽ ലഭിച്ചില്ലെന്നാണ്​ കാപ്പ​ൻെറ​ പ്രധാന ആരോപണം. പാലാ മണ്ഡലത്തിൽ കേരള കോൺഗ്രസ് ഭരിച്ചിരുന്ന രാമപുരം, മുത്തോലി പഞ്ചായത്തുകൾ നഷ്​ടമായി. മേലുകാവ്, മൂന്നിലവ്, തലപ്പലം പഞ്ചായത്തുകളിൽ ഭരണം നേടാനായില്ല. ഉപതെരഞ്ഞെടുപ്പിൽ ജോസ് വിഭാഗം ഇല്ലാതെ ഇടതുമുന്നണി പാലായിൽ ഉണ്ടാക്കിയ നേട്ടത്തിനൊപ്പം എത്താൻ കഴിഞ്ഞിട്ടില്ലെന്നും കണക്ക്​ സഹിതം അദ്ദേഹം വ്യക്തമാക്കി. പാലാ നഗരസഭയിൽ 17 സീറ്റ് ഉണ്ടായിരുന്ന ജോസ് വിഭാഗത്തിന് 10 സീറ്റ് മാത്രമേ ഇത്തവണ ലഭിച്ചിട്ടുള്ളൂ. രണ്ടു പതിറ്റാണ്ടുകാലത്തെ പോരാട്ടത്തിനൊടുവിൽ ഇടതു പ്രവർത്തകർ കഷ്​ടപ്പെട്ട്​ നേടിയതാണ് പാലാ സീറ്റെന്ന്​ കാപ്പൻ അഭിപ്രായപ്പെടുന്നു. ഒമ്പത്​ പഞ്ചായത്തിലും ഒരു മുനിസിപ്പാലിറ്റിയിലും ഇടതു മുന്നണി ലീഡ് നേടിയിരുന്നു. ഒരു പഞ്ചായത്തിൽ ഒരു സീറ്റ്​ വീതം എങ്കിലും എൻ.സി.പിക്ക്​ ലഭിക്കേണ്ടതായിരുന്നു. ആകെ തന്നത് രണ്ട്​ സീറ്റും. ഇതിൽ എൻ.സി.പി പ്രവർത്തകർക്ക്​ പ്രതിഷേധമുണ്ട്. തെരഞ്ഞെടുപ്പ്​ പ്രചാരണത്തിലായതിനാൽ പ്രതിഷേധം അറിയിക്കാതെ അവർ രാഷ്​ട്രീയ മര്യാദ കാണിച്ചു. കടനാട്, കരൂർ പഞ്ചായത്തുകളിലെ സീറ്റ് വിഭജനത്തിലെ അതൃപ്തി തെരഞ്ഞെടുപ്പ്​ സമയത്ത്​ സി.പി.ഐ പ്രകടിപ്പിച്ചതും മുന്നണിക്കു പുറത്ത് പരസ്യമായി മത്സരിച്ചതും കാപ്പൻ ചൂണ്ടിക്കാട്ടുന്നു. സി.എ.എം. കരീം
Show Full Article
TAGS:
Next Story