കാര്‍ഷിക ബില്ലിലെ വ്യവസ്ഥകള്‍ ദുരൂഹം -ബിജു ഉമ്മന്‍

കോട്ടയം: നടപടിക്രമങ്ങള്‍ മറികടന്ന്​ കേന്ദ്രസര്‍ക്കാര്‍ പാസാക്കിയ കാര്‍ഷിക ബില്ലുകളുടെ ഉദ്ദേശ്യശുദ്ധി സംശയാസ്പദമെന്ന്​ മലങ്കര ഓര്‍ത്തഡോക്‌സ് സഭ അസോസിയേഷന്‍ സെക്രട്ടറി ബിജു ഉമ്മന്‍. കാര്‍ഷിക മേഖല ഉദാരവത്​കരിക്കപ്പെടുമ്പോള്‍ ശാക്തീകരിക്കപ്പെടുന്നത് കോര്‍പറേറ്റുകളാണോ സാധാരണ കര്‍ഷകരാണോ എന്ന സംശയം ദൂരീകരിക്കണം. പുതിയ നിയമങ്ങളെക്കുറിച്ച ആശങ്കകൾ ഗൗരവമുള്ളതാണ്. കര്‍ഷകരുടെ അംഗീകാരത്തോടെ നടപ്പാക്കാന്‍ കഴിയാത്ത നിയമങ്ങള്‍ ജനഹിതം മനസ്സിലാക്കി പിന്‍വലിക്കുകയാണ് ഉചിതമെന്നും പ്രസ്​താവനയിൽ പറഞ്ഞു.