Begin typing your search above and press return to search.
exit_to_app
exit_to_app
Posted On
date_range 22 Nov 2020 11:58 PM GMT Updated On
date_range 22 Nov 2020 11:58 PM GMTമൂക്കുപൊത്താതെ നടക്കണം; സഞ്ചാരയോഗ്യമായ റോഡുകൾ വേണം
text_fieldsbookmark_border
ചങ്ങനാശ്ശേരി: അഞ്ചുവിളക്കിൻെറ നാടെന്ന് കീര്ത്തികേട്ട ചങ്ങനാശ്ശേരിക്ക് അതിൻെറ നഷ്ടപ്രതാപം വീണ്ടെടുക്കാന് ആര്ജവമുള്ള പുതിയ ഭരണസമിതി നഗരസഭയില് അധികാരത്തിലേറണമെന്നാണ് എൻെറ സ്വപ്നം. നായര് സര്വിസ് സൊസൈറ്റി, ചങ്ങനാശ്ശേരി അതിരൂപത ആസ്ഥാനം, കേരളത്തിലെ അതിപ്രശ്സത കലാലയങ്ങള്, സ്കൂളുകള്, സര്ക്കാര് സ്ഥാപനങ്ങളെ ഒരു കുടക്കീഴിലാക്കി പ്രവര്ത്തിക്കുന്ന റവന്യൂ ടവര് എല്ലാംകൊണ്ടും അനുഗ്രഹീതമായ എൻെറ നഗരത്തിൻെറ ഏറ്റവും വലിയ ശാപം ഉയര്ന്നുപൊങ്ങുന്ന മാലിന്യക്കൂമ്പാരങ്ങളാണ്. മൂക്കുപൊത്താതെ സ്വതന്ത്രമായി നാട്ടിലിറങ്ങി നടക്കാന് കഴിയുന്ന അവസ്ഥയുണ്ടാവണം. വൃത്തിയുള്ളതും സഞ്ചാരയോഗ്യവുമായ റോഡുകളും എൻെറ നാടിന് ആവശ്യമാണ്. പ്രദേശികതലത്തില് സുസ്ഥിര ഭരണസംവിധാനം ഉണ്ടാവണം. അധികാരത്തിലേറിയാല് കസേരകളിക്കുവേണ്ടിയുള്ള രാഷ്ട്രീയ നാടകങ്ങളാണ് ഇന്ന് പ്രാദേശിക ഭരണകൂടങ്ങളില് അരങ്ങേറിക്കൊണ്ടിരിക്കുന്നത്. ജയിച്ചുകഴിഞ്ഞാല് മുന്നണികള് ഘടകകക്ഷികള്ക്കുവീതം െവച്ചുനല്കുന്ന സ്ഥാനമാനങ്ങള് കൈക്കലാക്കുന്നതിന് തന്ത്രങ്ങള് മെനയാൻ സമയം കണ്ടെത്തുന്ന ജനപ്രതിനിധികള്, നാടിനുവേണ്ടി എന്തെങ്കിലും ചെയ്യണമെന്ന് കൂടി ചിന്തിക്കണം. 100 ശതമാനം ചെയ്യാന് കഴിഞ്ഞില്ലെങ്കിലും 50 ശതമാനം എങ്കിലും ആത്മാർഥതയോടെ വികസന പ്രവര്ത്തനങ്ങള് നടപ്പാക്കാന് കഴിയണം. ഭരണത്തിലേറിയാല് കക്ഷിരാഷ്ട്രീയത്തിന് അതീതമായി കൗണ്സിലര്മാര് ഒരുമിച്ചുചേര്ന്നു നാടിനുവേണ്ടിയുള്ള വികസന പദ്ധതികള് ആസൂത്രണം ചെയ്ത് നടപ്പാക്കുന്നതിനുള്ള മത്സരമാണ് നടത്തേണ്ടത്. ഓരോ വാര്ഡുകളിലെയും െറസിഡൻറ്സ് അസോസിയേഷനുകള്, സന്നദ്ധ സംഘടനകള് എന്നിവരുടെ നേതൃത്വത്തില് തെരഞ്ഞെടുക്കപ്പെട്ട ഒരു മോണിട്ടറിങ് സംവിധാനത്തിലൂടെ കൗണ്സിലര്മാര്ക്ക് ഓരോ വാര്ഡുകളിലെ അടിസ്ഥാന പ്രശ്നങ്ങളില് ഇടപെടാന് കഴിയണം. കേന്ദ്ര-സംസ്ഥാന സര്ക്കാര് ഫണ്ടുകള് കൊണ്ട് നടപ്പാക്കുന്ന വികസന പദ്ധതികളേക്കാൾ ഉപരി പ്രാദേശിക ഭരണകൂടങ്ങള് പുതിയ പദ്ധതികള് ആവിഷ്കരിച്ച് നടപ്പാക്കണം. അത് പൊതുജനങ്ങള്ക്ക് പ്രയോജനപ്രദവും വരുമാനദായകവുമാകുന്ന പദ്ധതികളാണെങ്കില് ഏറ്റവും ഉത്തമമാണ്. അധികാരത്തിലേറിയാല് രാഷ്ട്രീയ പ്രതിനിധിയില്നിന്ന് ജനപ്രതിനിധിയിലേക്കുള്ള മാറ്റമാണ് ഓരോ തെരഞ്ഞെടുക്കപ്പെട്ട പൗരനും ഉണ്ടാവേണ്ടത്. രാജന് ജെ.തോപ്പില് പ്രസിഡൻറ്, കേരള വ്യാപാരി വ്യവസായി ഏകോപനസമിതി ചങ്ങനാശ്ശേരി താലൂക്ക് KTL rajan k thoppil (പടം sat ഫോൾഡറിൽ) രാജന് ജെ.തോപ്പില്
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story