Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightKottayamchevron_rightശബരിമലയിൽ കൂടുതൽ...

ശബരിമലയിൽ കൂടുതൽ തീർഥാടകർ എത്തി

text_fields
bookmark_border
ശബരിമല: മണ്ഡലകാല തീർഥാടനത്തിനു നട തുറന്ന ശബരിമലയിൽ ശനിയാഴ്​ച കൂടുതൽ തീർഥാടകർ എത്തി. കോവിഡ് വ്യാപനം തടയാനുള്ള നിയന്ത്രണങ്ങളുടെ ഭാഗമായി സാധാരണ ദിവസങ്ങളിൽ തീര്‍ഥാടകരുടെ എണ്ണം 1000 ആയി നിജപ്പെടുത്തിയിട്ടുണ്ടെങ്കിലും ശനി, ഞായർ ദിവസങ്ങളിൽ 2000 പേർക്ക്​ ദർശനത്തിന്​ അനുമതിയുണ്ട്​. ഈ സാഹചര്യത്തിലാണ്​ ശനിയാഴ്​ച പൊലീസി​ൻെറ വെർച്വൽ ക്യൂ വഴി ബുക്ക്​ ചെയ്​ത കൂടുതൽ തീർഥാടകർ ദർശനത്തിന്​ എത്തിയത്​. ഭക്തരിൽ ഏ​റിയ പങ്കും തമിഴ്​നാട്ടിൽ നിന്നുള്ളവരായിരുന്നു. ശനിയാഴ്ച രാവിലെ ശാരീരിക അകലം പാലിച്ച് വലിയ നടപ്പന്തലി​ൻെറ മുക്കാല്‍ ഭാഗവും തീര്‍ഥാടകര്‍ നിറഞ്ഞു. തീര്‍ഥാടകര്‍ ശാരീരിക അകലം പാലിക്കുന്നത് ഉറപ്പുവരുത്താന്‍ സന്നിധാനം വലിയ നടപ്പന്തലില്‍ 351 ഇടങ്ങളില്‍ അടയാളപ്പെടുത്തിയിട്ടുണ്ട്. കൈകാലുകൾ ശുചീകരിക്കുന്നതിനടക്കം വലിയ നടപ്പന്തലില്‍ സംവിധാനവും ഏര്‍പ്പെടുത്തി. കർശന സുരക്ഷ ക്രമീകരണം നിലനിൽക്കുന്ന സാഹചര്യത്തിൽ തീർഥാടകരുടെ എണ്ണത്തിൽ ഉണ്ടായ കുറവ്​ ദേവസ്വം ബോർഡി​ൻെറ വരുമാനത്തെ ബാധിച്ചിട്ടുണ്ട്​​. ഈ സാഹചര്യത്തിൽ പിടിച്ചുനിൽക്കാൻ കൂടുതൽ തീർഥാടകരെ അനുവദിക്കണമെന്ന ദേവസ്വം ബോർഡി​ൻെറ ആവശ്യം സർക്കാറി​ൻെറ പരിഗണനയിലാണ്​. ദിവസം 5000 വരെ തീർഥാടകരെ അനുവദിക്കാൻ ആവശ്യമായ സംവിധാനങ്ങൾ നിലവിൽ സന്നിധാനത്ത്​ ഉണ്ടെന്നാണ്​ ദേവസ്വം ബോർഡി​ൻെറ വിലയിരുത്തൽ. ഈ സാഹചര്യത്തിൽ സർക്കാറിൽനിന്ന്​ അനുകൂല തീരുമാനം ഉണ്ടാകുമെന്നാണ്​ പ്രതീക്ഷ. ഇക്കാര്യത്തിൽ ആരോഗ്യവകുപ്പി​ൻെറ നിലപാട്​ നിർണായകമാണ്​.
Show Full Article
TAGS:
Next Story