Begin typing your search above and press return to search.
exit_to_app
exit_to_app
Posted On
date_range 21 Nov 2020 11:58 PM GMT Updated On
date_range 21 Nov 2020 11:58 PM GMTസൗഹൃദങ്ങള്ക്ക് കൈകൊടുത്ത് മുണ്ടക്കയത്ത് നാല് സ്ഥാനാർഥികൾ
text_fieldsbookmark_border
മുണ്ടക്കയം: മുണ്ടക്കയം ബ്ലോക്ക് പഞ്ചായത്ത് ഡിവിഷനിൽ ആര് ജയിച്ചാലും എതിർസ്ഥാനാർഥികൾക്ക് സന്തോഷമാണ്. കാരണം, ഇവിടെ മത്സരിക്കുന്ന നാല് സ്ഥാനാർഥികളും ഉറ്റ ചങ്ങാതിമാരാണ്. കാഞ്ഞിരപ്പള്ളി ബ്ലോക്ക് പഞ്ചായത്ത് മുണ്ടക്കയം ഡിവിഷനിലാണ് ഈ സൗഹൃദമത്സരം. ഇടത് സ്വതന്ത്രനായി വ്യാപാരിയും ജീവകാരുണ്യ പ്രവര്ത്തകനുമായ ജോഷി മംഗലം, യു.ഡി.എഫ് സ്ഥാനാർഥിയായി കോണ്ഗ്രസിലെ മണ്ഡലം പ്രസിഡൻറ് കൂടിയായ നൗഷാദ് ഇല്ലിക്കല്, ബി.ജെ.പി സ്ഥാനാർഥിയായി വ്യാപാരി വ്യവസായി ഏകോപന സമിതി യൂനിറ്റ് പ്രസിഡൻറ് ആര്.സി. നായര്, കോണ്ഗ്രസ് വിമതനായി കോരുത്തോട് മുന് മണ്ഡലം പ്രസിഡൻറ് വി.ടി. അയ്യൂബ് ഖാന് എന്നിവരാണ് മത്സരിക്കുന്നത്. ജോഷി മംഗലത്തിൻെറ എല്ലാ പരിപാടികളിലും സംഘാടകരായി നൗഷാദും ആര്.സി. നായരുമുണ്ടാവും. നൗഷാദ് ഇല്ലാത്ത ഒരു പരിപാടിയും ജോഷി മംഗലം നടത്താറുമില്ല. മൂന്നുപേരുടെയും അടുത്ത സുഹൃത്താണ് വി.ടി. അയ്യൂബ് ഖാന്. കഴിഞ്ഞ ടേമില് ബ്ലോക്ക് പഞ്ചായത്ത് അംഗമായിരുന്ന അയ്യൂബ്, കോണ്ഗ്രസ് നേതാക്കളുടെ അവഗണനക്കെതിരെയാണ് മത്സരിക്കുന്നത്. തെരഞ്ഞെടുപ്പ് സുഹൃദ്ബന്ധത്തിന് തടസ്സമാകില്ലെന്നും ആര് ജയിച്ചാലും തങ്ങൾ സുഹൃത്തുക്കളായി തുടരുമെന്നും നാല്വര് സംഘം പറയുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story