Begin typing your search above and press return to search.
exit_to_app
exit_to_app
Posted On
date_range 18 Nov 2020 11:58 PM GMT Updated On
date_range 18 Nov 2020 11:58 PM GMTജാഗ്രതക്ക് കുറവില്ല, ശബരിമലയിൽ ഡ്യൂട്ടിക്ക് ആന്ധ്ര പൊലീസും
text_fieldsbookmark_border
ശബരിമല: കോവിഡ് പശ്ചാത്തലത്തില് ദര്ശനത്തിനെത്തുന്ന തീര്ഥാടകരുടെ എണ്ണത്തില് നിയന്ത്രണം ഉണ്ടെങ്കിലും ശബരിമലയിൽ തീർഥാടകരുടെ സുരക്ഷ ഉറപ്പാക്കി ജാഗ്രതയോടെ പൊലീസ്. സ്പെഷല് ഓഫിസര് സൗത്ത് സോണ് ട്രാഫിക് എസ്.പി ബി. കൃഷ്ണകുമാറിൻെറ നേതൃത്വത്തിലാണ് സന്നിധാനത്ത് സുരക്ഷ ക്രമീകരണങ്ങള്. രണ്ട് ഡിവൈ.എസ്.പി, ആറ് ഇൻസ്പെക്ടർ, എസ്.ഐമാരും എ.എസ്.ഐമാരുമായി 45 പേർ, സീനിയർ സിവിൽ പൊലീസ് ഓഫിസർ, സിവിൽ പൊലീസ് ഓഫിസർ എന്നിങ്ങനെ 295 പേരുമാണ് സന്നിധാനത്ത് സേവനത്തിനുള്ളത്. ഒരു വിങ് സ്റ്റേ്റ്റ് കമാന്ഡോ, ഇന്ത്യ റിസര്വ് ബറ്റാലിയന് പ്ലാറ്റൂണ്, ബോംബ് സ്ക്വാഡ്, തീവ്രവാദ പ്രവര്ത്തനങ്ങള് നിരീക്ഷിക്കുന്ന ഷാഡോ പൊലീസ് തുടങ്ങിയവര് ഇതില് ഉള്പ്പെടും. കൂടാതെ ഡിവൈ.എസ്.പിയുടെ നേതൃത്വത്തിലുള്ള 11 അംഗ ആന്ധ്ര പൊലീസും സന്നിധാനത്ത് സേവനത്തിലുണ്ട്. കോവിഡ് പ്രോേട്ടാകോള് പാലിച്ചാണ് പൊലീസ് ക്രമീകരണങ്ങള് ഏര്പ്പെടുത്തിയിരിക്കുന്നതെന്ന് സ്പെഷല് ഓഫിസര് ബി. കൃഷ്ണകുമാര് പറഞ്ഞു. പമ്പയിലും നിലയ്ക്കലും സ്പെഷല് ഓഫിസര് എസ്.പി കെ.എം. സാബു മാത്യുവിൻെറ നേതൃത്വത്തിലാണ് സുരക്ഷ ക്രമീകരണങ്ങള്. പമ്പയില് 157ഉം നിലയ്ക്കല് 164ഉം പൊലീസ് ഉദ്യോഗസ്ഥരാണ് സേവനത്തിനുള്ളത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story