Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKottayamchevron_rightപത്രിക സമർപ്പണം...

പത്രിക സമർപ്പണം തുടങ്ങിയിട്ടും സീറ്റ്​ വിഭജന ചർച്ച പൂർത്തിയാക്കാനാകാതെ മുന്നണികൾ

text_fields
bookmark_border
കോട്ടയം: തദ്ദേശ തെരഞ്ഞെടുപ്പി​ൻെറ പത്രിക സമർപ്പണം ആരംഭിച്ചെങ്കിലും സീറ്റ്​ വിഭജന ചർച്ച ഇനിയും പൂർത്തിയാക്കാൻ കഴിയാതെ മുന്നണികൾ. ഗ്രാമ-​േബ്ലാക്ക്​ പഞ്ചായത്തുകളിലും നഗരസഭകളിലും ജില്ല പഞ്ചായത്തിലുമെല്ലാം പ്രതിസന്ധി രൂക്ഷമാണ്​. എൽ.ഡി.എഫും യു.ഡി.എഫും എൻ.ഡി.എയും അഭിമുഖീകരിക്കുന്നത്​ ഒരേ പ്രതിസന്ധി. ജില്ല പഞ്ചായത്തിൽ​ സീറ്റ്​ വിഭജനം ആദ്യംപൂർത്തിയാക്കിയതി​ൻെറ ക്രെഡിറ്റ്​ യു.ഡി.എഫിനായിരുന്നെങ്കിലും കേരള കോൺഗ്രസ്​ ജോസഫ്​ വിഭാഗത്തി​ൻെറ സമ്മർദത്തിന്​ വഴങ്ങി അവർക്ക്​ കൂടുതൽ സീറ്റുകളനുവദിച്ചതും മുസ്​ലിം ലീഗ്​ അഞ്ചിടത്ത്​ ഒറ്റക്ക്​ മത്സരിക്കാൻ തീരുമാനിച്ചതും​ യു.ഡി.എഫിനെ കടുത്ത പ്രതിസന്ധിയിലാക്കുന്നു​. മത്സരവുമായി മുന്നോട്ടുപോകാൻ ലീഗ്​ ജില്ല നേതൃത്വത്തിന്​ സംസ്​ഥാന നേതൃത്വം അനുമതി നൽകിയതും തിരിച്ചടിയാകും​. ലീഗി​ൻെറ സ്വാധീന മേഖലകളിൽ അടുത്ത ദിവസം പത്രിക നൽകുമെന്ന്​ ജില്ല ലീഗ്​ നേതാക്കൾ അറിയിച്ചു. ഇതോടൊപ്പം ഏതാനും ഗ്രാമ-​േബ്ലാക്ക്​ പഞ്ചായത്തുകളിലും ലീഗ്​ മത്സരിച്ചേക്കും. ഉമ്മൻ ചാണ്ടിയുടെ നേതൃത്വത്തിൽ നടക്കുന്ന മാരത്തൺ ചർച്ചകളും ഫലം കാണുന്നില്ല. ഉഭയകക്ഷി ചർച്ചയും പരാജയമാണ്​. ജോസഫ്​ വിഭാഗത്തിന്​ ഒമ്പത്​ സീറ്റ്​ നൽകിയതാണ്​ കോൺഗ്രസിലെ പ്രബല വിഭാഗത്തെ ചൊടിപ്പിച്ചത്​. യൂത്ത്​ കോൺഗ്രസും കടുത്ത പ്രതിഷേധത്തിലാണ്​. ജില്ല പഞ്ചായത്തിലടക്കം യൂത്ത്​ കോൺഗ്രസിന്​ 15 ശതമാനം സംവരണം വേണമെന്ന ആവശ്യം നിലനിൽക്കെയാണ്​ 22 ൽ ഒമ്പതെണ്ണവും ജോസഫിന്​ നൽകിയത്​. ജയസാധ്യതയുള്ള കൂടുതൽ സീറ്റുകളും ജോസഫി​ൻെറ കൈകളിലാണ്​. ഇതിൽ ചിലത്​ കോൺഗ്രസിന്​ വിട്ടുകൊടുക്കുമെന്ന​​ പ്രചാരണം ജോസഫ്​ പക്ഷം തള്ളി​യിട്ടുണ്ട്​. കോൺഗ്രസ്​-എ വിഭാഗത്തിന്​ മേൽകൈയുള്ള കോട്ടയത്ത്​ ​െഎ വിഭാഗം അവഗണിക്കപ്പെടുന്നതായുള്ള പരാതികൾക്കിടെയാണ്​ ജോസഫിന്​ ഒമ്പത്​ സീറ്റ്​ നൽകിയത്​. വൈക്കം കോൺഗ്രസിന്​ വിട്ടുകൊടുക്കാൻ ജോസഫിൽ ധാരണയായിട്ടുണ്ട്​. മുസ്​ലിം ലീഗിന്​ സീറ്റ്​ നൽകുന്നതിനോടും യൂത്ത്​ കോൺഗ്രസിന്​ എതിർപ്പുണ്ട്​. മുമ്പ്​ ആദ്യം ചർച്ചകൾ പൂർത്തിയാക്കി പ്രചാരണം നടത്തുന്നത്​ ഇടതുമുന്നണി ആയിരുന്നെങ്കിൽ ഇത്തവണ ജോസ്​ വിഭാഗത്തി​​ൻെറ അവകാശ വാദങ്ങൾ സി.പി.എമ്മി​െനയും വലക്കുകയാണ്​. കഴിഞ്ഞ തവണ മത്സരിച്ച 11 സീറ്റെങ്കിലും കിട്ടണമെന്നാണ്​ ജോസ്​ പക്ഷത്തി​ൻെറ ആവശ്യം. സി.പി.എം ഒമ്പത്​ സീറ്റ്​ വരെ ഉറപ്പ്​ പറയുന്നു. എന്നാൽ, ജോസ്​ പക്ഷം ഇനിയും അടുത്തിട്ടില്ല. സി.പി.ഐയും ഉടക്കിലാണ്​. ജോസ്​ പക്ഷത്തിന്​ അധിക സീറ്റ്​ വിട്ടുകൊടുക്കാൻ സി.പി.ഐയും ഒരുക്കമല്ല. 2010 ൽ സി.പി.ഐ ആറുസീറ്റിലും കഴിഞ്ഞ തവണ അഞ്ചുസീറ്റിലും മത്സരിച്ചിരുന്നു. ഒാരോ തെരഞ്ഞെടുപ്പിലും സീറ്റി​ൻെറ എണ്ണം കുറക്കാൻ കഴിയി​െല്ലന്ന്​ സി.പി.ഐ പറയുന്നു. ജില്ല പഞ്ചായത്തിൽ ഇടതുമുന്നണി എൻ.സി.പിക്ക്​ സീറ്റ്​ നൽകില്ല. അതും അതൃപ്​തി സൃഷ്​ടിച്ചിട്ടുണ്ട്​. എൻ.ഡി.എയിൽ ബി.ഡി.ജെ.എസ്​ ആണ്​ ബി.ജെ.പിക്ക്​ തലവേദന. ബി.ഡി.ജെ.എസിന്​ കൂടുതൽ സീറ്റ്​ വേണമെന്നാണ്​ ആവശ്യം. എന്നാൽ, ഇതിന്​ ബി.ജെ.പി തയാറല്ല. പ്രതിസന്ധിക്ക്​ ഇന്ന്​ പരിഹാരമാകുമെന്ന്​ ബി.ജെ.പി നേതൃത്വം വ്യക്​തമാക്കി.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story