Begin typing your search above and press return to search.
exit_to_app
exit_to_app
Posted On
date_range 30 Oct 2020 11:58 PM GMT Updated On
date_range 30 Oct 2020 11:58 PM GMTപി.സിമാരെ യു.ഡി.എഫിൽ ഉൾപ്പെടുത്തുന്ന കാര്യം പരിഗണനയിലില്ല -ഹസൻ
text_fieldsbookmark_border
കോട്ടയം: പി.സി. ജോർജിനെയും പി.സി. തോമസിനെയും ഉൾപ്പെടുത്തി തൽക്കാലം യു.ഡി.എഫ് വികസിപ്പിക്കില്ലെന്ന് കൺവീനർ എം.എം. ഹസൻ. ഇത്തരം ആലോചനകളൊന്നും മുന്നണിയുടെ പരിഗണനയിലില്ല. എൻ.എസ്.എസ് ജനറൽ സെക്രട്ടറി ജി. സുകുമാരൻ നായരെ സന്ദർശിക്കാൻ ചങ്ങനാശ്ശേരിയിൽ എത്തിയതായിരുന്നു അദ്ദേഹം. പി.സി. ജോർജും പി.സി. തോമസും ഇപ്പോഴും എൻ.ഡി.എയുടെ ഭാഗമാണെന്നും പിന്നെങ്ങനെ അവരെ മുന്നണിയിൽ ഉൾപ്പെടുത്തുമെന്നും ഹസൻ ചോദിച്ചു. എൻ.ഡി.എ വിട്ടതായി ഇരുവരും വ്യക്തമാക്കിയിട്ടില്ല. അവിടെ അർഹമായ പരിഗണന ലഭിച്ചില്ലെന്ന പരാതിയുമായി പുറത്തുവരുന്നവരെ യു.ഡി.എഫിന് സ്വീകരിക്കാനാവില്ല. മൂന്ന് കോർപറേഷൻ കിട്ടാത്തതിൻെറ പേരിലാണ് എൻ.ഡി.എ വിടുന്നതെന്നും അറിയാനായി. ആശയപരമായി അവരുമായി യോജിക്കാനും കഴിയില്ല. ജോർജിനെ മുന്നണിയിൽ ഉൾപ്പെടുത്തുന്നതിനെതിരെ വിവിധ തലങ്ങളിൽ പ്രതിഷേധം ശക്തമാണ്. പി.ജെ. ജോസഫുമായി ചേർന്ന് യു.ഡി.എഫിൽ എത്തുമെന്നതിനെക്കുറിച്ച് പ്രതികരിക്കേണ്ടത് േജാസഫാണ്. ഇക്കാര്യം അറിയില്ലെന്നും ഹസൻ വ്യക്തമാക്കി. പി.സിമാരെ മുന്നണിയിൽ ഉൾപ്പെടുത്തുന്ന കാര്യം യു.ഡി.എഫിൻെറ പരിഗണനയിലില്ലെന്ന് കെ.സി. േജാസഫ് എം.എൽ.എയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story