Begin typing your search above and press return to search.
exit_to_app
exit_to_app
Posted On
date_range 6 Oct 2020 11:58 PM GMT Updated On
date_range 6 Oct 2020 11:58 PM GMTഹോം സ്റ്റേ കേന്ദ്രീകരിച്ച് പെൺവാണിഭം; സ്ത്രീകൾ ഉൾപ്പെടെ ഏഴുപേർ പിടിയിൽ
text_fieldsbookmark_border
അടിമാലി: ഹോംസ്റ്റേ കേന്ദ്രീകരിച്ച് പ്രവർത്തിച്ച അന്തർ ജില്ല പെൺവാണിഭസംഘത്തിലെ ഏഴു പേർ പിടിയിൽ. പിടിയിലായവരിൽ നാല് സ്ത്രീകളും മൂന്ന് പുരുഷന്മാരും. ഒരാൾ രക്ഷപ്പെട്ടു. ആറു മൊബൈൽ ഫോണും മൂന്ന് വാഹനവും പൊലീസ് പിടികൂടി. വെള്ളത്തൂവൽ കുത്തുപാറ പാറക്കൽ സിജോ ജയിംസ് (30), അരക്കുഴ വള്ളോംതടത്തിൽ അഖിൽ (28), കഞ്ഞിക്കുഴി പെരിയകോട്ടിൽ ജോമി (25) എന്നിവരെയും നാല് സ്ത്രീകളെയും സി.ഐ അനിൽ ജോർജിൻെറ നേതൃത്വത്തിലെ സംഘമാണ് പിടികൂടിയത്. കണ്ണൂർ, എറണാകുളം, ഇടുക്കി സ്വദേശിനികളാണ് പിടിയിലായ യുവതികൾ. കൂമ്പൻപാറയിൽ ഹോം സ്റ്റേ റെയ്ഡ് ചെയ്താണ് ഇവരെ പിടികൂടിയത്. പൊലീസ് എത്തിയതോടെ നാലുപാടും ഓടി രക്ഷപ്പെടാൻ ശ്രമിച്ചിരുന്നു. ഇതിനിടെ വീണ് സി.ഐയുടെ ൈഡ്രവർക്ക് പരിക്കേറ്റു. നാലു ദിവസം മുമ്പ് ബംഗളൂരുവിൽനിന്നാണ് സ്ത്രീകൾ ഹോംസ്റ്റേയിൽ എത്തിയത്. സംസ്ഥാനത്തിൻെറ വിവിധ ഭാഗങ്ങളിൽ ഏജൻറുന്മാരും ഇടപാടുകാരുമുള്ള വൻ സംഘത്തിലെ കണ്ണികളാണ് ഇവരെന്ന് പൊലീസ് പറഞ്ഞു. സിജോ ജയിംസ് വാടകക്കെടുത്തതാണ് ഹോം സ്റ്റേ. മയക്കുമരുന്ന് റാക്കറ്റുമായി ഇവർക്ക് ബന്ധമുണ്ടെന്ന സൂചനയെ തുടർന്ന് ഇത്തരത്തിലും അന്വേഷണം വ്യാപിപ്പിക്കുമെന്ന് പൊലീസ് പറഞ്ഞു. അറസ്റ്റ് ചെയ്ത മൂന്ന് പേരെ കോടതിയിൽ ഹാജരാക്കി. സ്ത്രീകളുടെ അറസ്റ്റ് രേഖപ്പെടുത്തിയിട്ടില്ല. എസ്.ഐ സി.ആർ. സന്തോഷ്, എ.എസ്.ഐ എം.എം. ഷാജു, വനിത പൊലീസ് ഓഫിസർ നിഷ പി. മങ്ങാട്ട് എന്നിവരും അന്വേഷണ സംഘത്തിലുണ്ട്. TDL akhil TDL sijo jeimse TDL jomy പെൺവാണിഭക്കേസിൽ പിടിയിലായ അഖിൽ, സിജോ ജയിംസ്, ജോമി
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story