Begin typing your search above and press return to search.
exit_to_app
exit_to_app
Posted On
date_range 24 Sep 2020 11:58 PM GMT Updated On
date_range 24 Sep 2020 11:58 PM GMTനാനോ സയൻസിലെ മികവ്: പ്രഫ. സാബു തോമസിന് അന്താരാഷ്ട്ര പുരസ്കാരം
text_fieldsbookmark_border
കോട്ടയം: നാനോ സയൻസിലെ നൂതന കണ്ടുപിടിത്തങ്ങളും പോളിമർ രസതന്ത്രത്തിൽ നൽകിയ സംഭാവനകളും പരിഗണിച്ച് മഹാത്മാഗാന്ധി സർവകലാശാല വൈസ് ചാൻസലർ പ്രഫ. സാബു തോമസിന് അന്താരാഷ്ട്ര പുരസ്കാരം. സ്വീഡനിലെ ഇൻറർനാഷനൽ അസോസിയേഷൻ ഓഫ് അഡ്വാൻസ്ഡ് മെറ്റീരിയൽസിൻെറ (ഐ.എ.എം.എം) മികവിനുള്ള പുരസ്കാരവും ഹോണറർ ഫെലോ പദവിയുമാണ് ലഭിച്ചത്. പോളിമർ സയൻസ്, നാനോ സയൻസ്, നാനോ ടെക്നോളജി എന്നിവയിൽ മികച്ച സംഭാവനകൾ നൽകിയ പ്രഫ. സാബു തോമസിൻെറ ഗവേഷണ പ്രബന്ധമികവ് അളക്കുന്ന ഗൂഗിൾ എച്ച് ഇൻഡക്സ് സ്കോർ 101 ആണ്. 107 പേർ അദ്ദേഹത്തിൻെറ കീഴിൽ പിഎച്ച്.ഡി ചെയ്തിട്ടുണ്ട്. സ്കൂൾ ഓഫ് കെമിക്കൽ സയൻസസിലെ പ്രഫസറായ അദ്ദേഹം 125ലധികം പുസ്തകങ്ങൾ രചിച്ചിട്ടുണ്ട്. പോളിമർ നാനോ കോമ്പോസിറ്റ്സ്, ബ്ലെൻഡ്സ്, ഗ്രീൻ ബയോ നാനോ ടെക്നോളജി, നാനോ ബയോമെഡിക്കൽ സയൻസ് എന്നീ മേഖലകളിൽ മികച്ച കണ്ടുപിടിത്തങ്ങൾ നടത്തി. അഞ്ച് പേറ്റൻറുകൾ സ്വന്തമായുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story