ആദിവാസി മധ്യവയസ്​കൻ വെ​േട്ടറ്റ്​ മരിച്ചു

അടിമാലി: ചിക്കണംകുടിയിൽ . മാങ്കുളം അമ്പതാംമൈല്‍ ചിക്കണംകുടി ആദിവാസി കോളനിയിലെ ലക്ഷ്​മണനെയാണ് ‍(54) വെട്ടിക്കൊന്നത്. സംഭവവുമായി ബന്ധപ്പെട്ട് ഇരുമ്പുപാലം പുല്ലാമൂഴില്‍ ഇക്ബാലിനെ (55) പ്രതിയാക്കി പൊലീസ് കേ​െസടുത്തു. ഇയാള്‍ ഒളിവിലാണ്. ഇക്ബാലി​ൻെറ കൂടെ താമസിക്കുന്ന ചിക്കണംകുടി സ്വദേശിനി രതിക്കും (ലതീഷ -30) വെ​േട്ടറ്റു​. ഇവരെ അടിമാലി താലൂക്ക്​ ആശുപത്രിയില്‍ പ്രവേശിപ്പിച്ചു. സംഭവം സബന്ധിച്ച് മൂന്നാര്‍ പൊലീസ് പറയുന്നത്: ഇക്ബാലും ലക്ഷ്​മണനും അടുത്തടുത്ത വീടുകളിലാണ് താമസം. ആഗസ്​റ്റിൽ ചാരായം വാറ്റാനായി സൂക്ഷിച്ച 330 ലിറ്റര്‍ കോട ഇവരുടെ ഷെഡില്‍നിന്ന്​ അടിമാലി നാര്‍കോട്ടിക് എന്‍ഫോഴ്‌സ്‌മൻെറ്​ സ്‌ക്വാഡ് പിടികൂടിയിരുന്നു. സംഭവത്തില്‍ ഇക്ബാലിനെയും ലക്ഷ്​മണ​െനയും പ്രതിചേര്‍ത്ത് കേസെടുത്തു. ഇരുവരെയും പിടികൂടാന്‍ നാര്‍കോട്ടിക് സ്‌ക്വാഡിന് കഴിഞ്ഞിരുന്നില്ല. സംഭവത്തില്‍ ലക്ഷ്​മണന്‍ ഫോണ്‍ ചെയ്ത് തന്നെയും കേസില്‍പെടുത്തിയതായി ഇക്ബാല്‍ സംശയിക്കുകയും ഇതുസംബന്ധിച്ച് ഇരുവരും വഴക്കിടുകയും ചെയ്തിരുന്നു. കൂടാതെ, ഇക്ബാലി​ൻെറ ഭാര്യയും ലക്ഷ്​മണനും തമ്മില്‍ ബന്ധമുള്ളതായും ഇക്ബാല്‍ സംശയിച്ചിരുന്നു. ഇതേചൊല്ലി ഞായറാഴ്ച ഇക്ബാലും രതിയും തമ്മില്‍ വഴക്കുണ്ടാവുകയും ഇക്ബാല്‍ രതിയെ വെട്ടിപ്പരിക്കേല്‍പിക്കുകയും ചെയ്തു. നിലവിളി കേട്ട് ഇവരുടെ വീട്ടിലെത്തിയ ലക്ഷ്​മണനെ ഇക്ബാല്‍ വെട്ടിക്കൊലപ്പെടുത്തുകയായിരുന്നു. ഇതിനുശേഷം വനത്തില്‍ ഒളിക്കുകയും ചെയ്തു. അടിമാലി ഇരുമ്പുപാലം സ്വദേശിയായ ഇക്ബാല്‍ നാലുവര്‍ഷം മുമ്പാണ് ചിക്കണംകുടിയില്‍ എത്തിയത്. ഇക്ബാലിനും രതിക്കും ഒരുകുട്ടിയുമുണ്ട്. കൂടാതെ ഇക്ബാലിന് ഇരുമ്പുപാലത്ത് ഭാര്യയും മൂന്ന് കുട്ടികളുമുണ്ട്. നിരവധി അബ്കാരിക്കേസുകളിലെ പ്രതികളാണ് ഇക്ബാലും ലക്ഷ്​മണനുമെന്ന് പൊലീസ് പറഞ്ഞു. പ്രതിക്കായി പൊലീസ് തിരച്ചില്‍ ഊര്‍ജിതമാക്കി. മല്ലികയാണ് ലക്ഷ്​മണ​ൻെറ ഭാര്യ. മക്കള്‍: വിജയന്‍, വിജിമോള്‍. മൃതദേഹം അടിമാലി താലൂക്ക്​ ആശുപത്രി മോര്‍ച്ചറിയില്‍. TDG RATHI അടിമാലി താലൂക്ക്​ ആശുപത്രിയിൽ ചികിത്സയിലുള്ള രതി TDG LEKSHMANAN കൊല്ലപ്പെട്ട ലക്ഷ്​മണൻ