ശബരിമല ​നട ഇന്ന്​ തുറക്കും

പത്തനംതിട്ട: ഓണനാളുകളിലെ പൂജകൾക്കായി ശബരിമല ധർമശാസ്താ ക്ഷേത്രം ശനിയാഴ്ച വൈകീട്ട് അഞ്ചിന് തുറക്കും. ക്ഷേത്രതന്ത്രി കണ്ഠരര് രാജീവരരുടെ മുഖ്യകാർമികത്വത്തിൽ മേൽശാന്തി എ.കെ. സുധീർ നമ്പൂതിരി നട തുറന്ന് ദീപങ്ങൾ തെളിക്കും. 30ന് ഉത്രാടപൂജ, 31ന് തിരുവോണനാൾ പൂജ, സെപ്റ്റംബർ ഒന്നിന് അവിട്ടം, സെപ്റ്റംബർ രണ്ടിന് ചതയം പൂജകൾ നടക്കും. രണ്ടിന് രാത്രി 7.30ന് ഹരിവരാസനം പാടി നട അടക്കും. കന്നിമാസ പൂജകൾക്ക്​ സെപ്റ്റംബർ 16ന് നട തുറക്കും.