വെൽഫെയർ പാർട്ടി പ്രക്ഷോഭം

കോട്ടയം: മുഖ്യമന്ത്രിയുടെ ഓഫിസും കള്ളക്കടത്തുകാരും തമ്മിലുള്ള ബന്ധം പുറത്തായതി​ൻെറ അടിസ്ഥാനത്തിൽ മുഖ്യമന്ത്രി രാജിവെക്കണമെന്ന്​ ആവശ്യപ്പെട്ട് വെൽഫെയർ പാർട്ടി ജില്ല കമ്മിറ്റി നേതൃത്വത്തിൽ കലക്​ടറേറ്റിനു​ മുന്നിൽ പ്രക്ഷോഭ സമരം സംഘടിപ്പിച്ചു. മണ്ഡലം പ്രസിഡൻറ്​ പി.കെ. മുഹമ്മദ് അധ്യക്ഷത വഹിച്ചു. ജില്ല പ്രസിഡൻറ്​ സണ്ണി മാത്യു ഉദ്ഘാടനം ചെയ്തു. ജില്ല സമിതി അംഗങ്ങളായ ജിനമിത്ര, പി.ജെ. ഷാനവാസ്, മണ്ഡലം വൈസ് പ്രസിഡൻറ്​ എ. ലത്തീഫ് എന്നിവർ സംസാരിച്ചു. പൊതുവാഹനങ്ങൾ ഡ്രൈവർ കാബിൻ വേർതിരിക്കണം കോട്ടയം: കോവിഡ് സുരക്ഷാ ക്രമീകരണ ഭാഗമായി ജില്ലയിലെ പൊതുയാത്ര വാഹനങ്ങളുടെ ഡ്രൈവർ കാബിൻ അക്രിലിക് ഷീറ്റ് ഉപയോഗിച്ച് വേർതിരിക്കണമെന്ന് ആർ.ടി.ഒ അറിയിച്ചു. ജില്ലയിലെ ഓട്ടോകൾ, ടാക്സി കാറുകൾ, ബസുകൾ എന്നിവ നിർദേശം പാലിക്കണം. ഡ്രൈവർമാർ മാസ്ക്, കൈയുറ, സാനിറ്റൈസർ എന്നിവ നിർബന്ധമായും ഉപയോഗിക്കണം.