Begin typing your search above and press return to search.
exit_to_app
exit_to_app
Posted On
date_range 23 Aug 2020 11:58 PM GMT Updated On
date_range 23 Aug 2020 11:58 PM GMTകോവിഡ് പ്രോട്ടോകോൾ ലംഘനത്തിന് 265 കേസുകൾ
text_fieldsbookmark_border
കൊല്ലം: കൊല്ലം നഗരത്തിലെ വിവിധ സ്റ്റേഷൻ പരിധികളിൽ പൊലീസ് നടത്തിയ പരിശോധനയിൽ കോവിഡ് മാനദണ്ഡങ്ങൾ ലംഘിച്ചതിന് 265 കേസുകൾ രജിസ്റ്റർ ചെയ്തു. ശുചീകരണസംവിധാനങ്ങൾ ഒരുക്കാതെ വ്യാപാരസ്ഥാപനങ്ങൾ പ്രവർത്തിപ്പിച്ചതിന് 29 കടയുടമകൾക്കെതിെരയും നിയന്ത്രണം ലംഘിച്ച് വാഹനങ്ങൾ നിരത്തിലിറക്കിയതിന് 30 വാഹന ഉടമകൾക്കെതിെരയും നടപടി സ്വീകരിച്ചു. പൊതുസ്ഥലങ്ങളിൽ മാസ്ക് ധരിക്കാത്തതിന് 252 പേരിൽനിന്നും കേരള എപ്പിഡെമിക് ഡിസീസസ് ഓർഡിനൻസ് പ്രകാരം പിഴ ഈടാക്കി. 'കശുവണ്ടി ബോണസ്: ദ്രോഹകരം' കൊല്ലം: കശുവണ്ടി തൊഴിലാളി ബോണസ് സംബന്ധിച്ച ഒത്തുതീർപ്പ് വ്യവസ്ഥകൾ തൊഴിലാളികൾക്കും മാസശമ്പളക്കാരായ ജീവനക്കാർക്കും േദ്രാഹകരമാണെന്ന് കേരള കശുവണ്ടി തൊഴിലാളി കോൺഗ്രസ് (ഐ.എൻ.ടി.യു.സി). തൊഴിലാളികളെ വഞ്ചിക്കുന്ന സമീപനമാണ് സർക്കാറിനെ പ്രതിനിധീകരിച്ച മന്ത്രി ജെ. മേഴ്സിക്കുട്ടിയമ്മയുടെ ഭാഗത്ത് നിന്നുണ്ടായിട്ടുള്ളതെന്ന് സംസ്ഥാന ജനറൽ സെക്രട്ടറി അഡ്വ. സവിൻ സത്യൻ കുറ്റപ്പെടുത്തി. മന്ത്രി മേഴ്സിക്കുട്ടിയമ്മ രാജിവെക്കണമെന്നും കേരള കശുവണ്ടി തൊഴിലാളി കോൺഗ്രസ് (ഐ.എൻ.ടി.യു.സി) സംസ്ഥാന ജനറൽ സെക്രട്ടറി അഡ്വ. സവിൻ സത്യൻ ആവശ്യപ്പെട്ടു. വർക്കിങ് പ്രസിഡൻറ് മംഗലത്ത് രാഘവൻനായർ അധ്യക്ഷത വഹിച്ചു. വൈസ് പ്രസിഡൻറുമാരായ എസ്. സുഭാഷ്, പെരിനാട് മുരളി, വൈ.എ. സമദ് എന്നിവർ സംസാരിച്ചു. ഒാണക്കാലത്ത് ഇളവ് നൽകണം-വ്യാപാരി വ്യവസായി ഏകോപനസമിതി കൊല്ലം: ഓണക്കാലത്ത് കണ്ടെയ്ൻെമൻറ് മേഖലകളിലെ വ്യാപാരസ്ഥാപനങ്ങള്ക്കുള്ള നിയന്ത്രണങ്ങളില് ഇളവ് നല്കണമെന്ന് കേരള വ്യാപാരി വ്യവസായി ഏകോപനസമിതി. മാസങ്ങളായി പ്രതിസന്ധിയിലായ കച്ചവടസ്ഥാപനങ്ങൾക്ക് ഓണക്കാലത്തും ഇളവ് നല്കാത്തത് വ്യാപാരികളെയും പതിനായിരക്കണക്കിന് തൊഴിലാളികളെയും ബുദ്ധിമുട്ടിലാക്കിയിരിക്കുകയാണെന്ന് സംസ്ഥാന ജനറല് സെക്രട്ടറി രാജു അപ്സര പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story