മാസ്​ക് ധരിക്കാത്തതിന് 215 പേർക്കെതിരെ കേസ്

കൊല്ലം: കോവിഡ് സമൂഹവ്യാപനം തടയുന്നതിലേക്കായി കൊല്ലം സിറ്റി പരിധിയിൽ പൊലീസ്​ നടത്തിയ പരിശോധനയിൽ മാനദണ്ഡം ലംഘിച്ചതിന് 300 പേർക്കെതിരെ 155 കേസ് രജിസ്​റ്റർ ചെയ്തു. പൊതുസ്​ഥലങ്ങളിൽ മാസ്​ക് ധരിക്കാത്തതിന് 215 പേർക്കെതിരെയും ശുചീകരണസംവിധാനം ഒരുക്കാതെ വ്യാപാരസ്​ഥാപനം പ്രവർത്തിപ്പിച്ചതിന് ആറ് കടയുടമകൾക്കെതിരെയും കേസെടുത്തു. നിബന്ധനകൾ ലംഘിച്ച് വാഹനം നിരത്തിലിറക്കിയ ഒമ്പത് ഉടമകൾക്കെതിരെയും നടപടി സ്വീകരിച്ചു. കൊട്ടാരക്കര: കൊല്ലം റൂറല്‍ ജില്ലയില്‍ പകര്‍ച്ചവ്യാധി നിയന്ത്രണ ഓര്‍ഡിനന്‍സ് 2020 പ്രകാരം 30 കേസുകൾക്ക് പിഴയീടാക്കി. മാസ്ക് ഉപയോഗിക്കാത്തതിന് 116 പേർക്കെതിരെയും ശുചീകരണസംവിധാനം ഒരുക്കാത്ത ഒരു സ്ഥാപനത്തിനെതിരെയും കേസ് രജിസ്​റ്റർ ചെയ്തു.