Begin typing your search above and press return to search.
exit_to_app
exit_to_app
Posted On
date_range 14 Sep 2021 11:59 PM GMT Updated On
date_range 14 Sep 2021 11:59 PM GMTസ്ട്രീറ്റ് ലൈറ്റ് പോള് ജങ്ഷനുകള് ഉപയോഗശൂന്യമായി നശിക്കുന്നു
text_fieldsbookmark_border
ചിത്രം- കുളത്തൂപ്പുഴ: പ്രധാന കവലകളില് സ്ഥാപിച്ച തെരുവുവിളക്കുകളുടെ വൈദ്യുതി ഉപഭോഗ അളവ് അറിയാൻ പോസ്റ്റുകളില് സ്ഥാപിച്ച പോള് ജങ്ഷനുകള് ഉപയോഗശൂന്യമായി നശിക്കുന്നു. മാസങ്ങള്ക്ക് മുമ്പ് വൈദ്യുതി വകുപ്പ് പ്രത്യേകം കരാര് ക്ഷണിച്ചാണ് ഫൈബര് നിർമിത പെട്ടികള് സ്ഥാപിച്ചത്. തുടര്ന്ന് വഴിവിളക്കുകളുടെയും മറ്റ് ലൈനുകളിലേക്കുമുള്ള ഫ്യൂസുകള് മഴ നനയാതെയും സാധാരണക്കാര്ക്ക് ഇടപെടലുകള് നടത്താന് കഴിയാത്തവിധവും ഈ പെട്ടികളിലേക്ക് മാറ്റിസ്ഥാപിക്കുമെന്നാണ് അറിയിച്ചിരുന്നത്. എന്നാൽ, പെട്ടി സ്ഥാപിച്ചതല്ലാതെ തുടർനടപടിയുണ്ടായില്ല. കരാറുകാരന് പണം വാങ്ങി മാസങ്ങള് കഴിഞ്ഞിട്ടും ഫ്യൂസുകള് സ്ട്രീറ്റ് ലൈറ്റ് പോള് ജങ്ഷനുകളിലേക്ക് മാറ്റാനോ മീറ്ററുകള് സ്ഥാപിക്കുന്നതിനോ അധികൃതര് തയാറായിട്ടില്ല. ബന്ധപ്പെട്ട ജോലികള് നടന്നുവരികയാണെന്നും തുടര്നടപടികള് സ്വീകരിക്കേണ്ടത് ഗ്രാമപഞ്ചായത്താണെന്നുമാണ് വൈദ്യുതി ബോർഡിൻെറ വിശദീകരണം. പഞ്ചായത്ത് പരിധിയില് സ്ഥാപിച്ച മുഴുവന് തെരുവുവിളക്കുകളുടെയും എണ്ണം കണക്കാക്കിയാണ് വൈദ്യുതി തുക ഗ്രാമപഞ്ചായത്ത് അടയ്ക്കുന്നത്. അതേസമയം ഓരോ കവലയിലും തെരുവുവിളക്കുകള്ക്ക് പ്രത്യേകം മീറ്ററുകള് സ്ഥാപിച്ച് റീഡിങ് കണക്കാക്കി തുക അടയ്ക്കുകയാണെങ്കില് പണം ലാഭിക്കാം. ഇതാണ് അധികൃതരുടെ അലംഭാവം കാരണം പ്രതിസന്ധിയിലായത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story