Begin typing your search above and press return to search.
exit_to_app
exit_to_app
Posted On
date_range 8 Sep 2020 11:58 PM GMT Updated On
date_range 8 Sep 2020 11:58 PM GMTജില്ലയിൽ സ്റ്റോപ്പുകൾ കൂട്ടത്തോടെ വെട്ടി റെയിൽവേ
text_fieldsbookmark_border
കൊല്ലം: സാമ്പത്തിക പ്രതിസന്ധിയുടെ പേരിൽ ലാഭകരമല്ലാത്ത സ്റ്റോപ്പുകൾ ഒഴിവാക്കുന്ന റെയിൽവേ നടപടിയിലൂടെ ജില്ലക്ക് നഷ്ടപ്പെടുക പ്രധാന സ്റ്റോപ്പുകൾ. കരുനാഗപ്പള്ളി, പരവൂർ, ശാസ്താംകോട്ട സ്റ്റോപ്പുകളാണ് നഷ്ടപ്പെടുന്നവയിൽ പ്രധാനപ്പെട്ടത്. പലതും നാളുകളായി യാത്രക്കാരുടെ പരാതികളും നിവേദനങ്ങളും സമരങ്ങളും നടത്തിയതിൻെറ ഫലമായി നേടിയെടുത്തതാണ്. ട്രെയിൻ ഗതാഗതം സാധാരണ നിലയിലാകുന്നതോടെ യാത്രക്കാർക്ക് ഇരുട്ടടിയാകും ഇതുമൂലമുണ്ടാകുക. അയൽ ജില്ലകളിലേക്ക് ജോലിക്കായി പോകുന്നവർക്ക് ആശ്രയമായിരുന്ന ട്രെയിനുകളുടെ സ്റ്റോപ്പുകളാണ് ഇങ്ങനെ വെട്ടിക്കളയുന്നതിലേറെയും. ഇത് യാത്രാപ്രതിസന്ധി രൂക്ഷമാക്കുമെന്ന് പാസഞ്ചേഴ്സ് അസോസിയേഷനുകൾ ചൂണ്ടിക്കാട്ടി. സബ് അർബൻ ട്രെയിനുകൾ ഇല്ലാത്ത റൂട്ടിൽ യാത്രക്കാർക്ക് ആശ്രയം ദീർഘദൂര സർവിസുകളുടെ ഈ സ്റ്റോപ്പുകളാണ്. കേരളത്തിലെ ആയിരക്കണക്കിന് യാത്രക്കാരാണ് ഈ സർവിസുകളെ ആശ്രയിച്ചിരുന്നത്. സ്റ്റോപ്പുകൾ നിർത്തലാക്കിയാൽ യാത്രാക്ലേശം ഇരട്ടിക്കും. ദീർഘദൂരസർവിസുകൾ പ്രാദേശികമായി യാത്രക്കാർക്ക് ഒരു ഗുണവും ഇല്ലാത്ത അവസ്ഥയാകുമെന്ന് പാസഞ്ചേഴ്സ് അസോ.സംസ്ഥാന പ്രസിഡൻറ് പരവൂർ സജീബ് പറഞ്ഞു. സ്റ്റോപ്പുകൾ നിർത്തലാക്കുന്ന പട്ടികയിലുള്ള ട്രെയിനുകൾ 16345/16346 തിരുവനന്തപുരം-ലോകമാന്യതിലക് നേത്രാവതി എക്സ്പ്രസ്- കരുനാഗപ്പള്ളി 16381/16382 കന്യാകുമാരി- മുംബൈ സി.എസ്.ടി ജയന്തി ജനതാ എക്സ്പ്രസ്- പരവൂർ, കരുനാഗപ്പള്ളി 17229/17230 തിരുവനന്തപുരം-ഹൈദരാബാദ് ശബരി എക്സ്പ്രസ്-കരുനാഗപ്പള്ളി 16525/16526 കന്യാകുമാരി- കെ.എസ്.ആർ ബംഗളൂരു സിറ്റി ഐലൻഡ് എക്സ്പ്രസ്- പരവൂർ, ശാസ്താംകോട്ട 16315/16316 കൊച്ചുവേളി- മൈസൂർ എക്സ്പ്രസ്-കായംകുളം 16649/16650 നാഗർകോവിൽ -മംഗലാപുരം പരശുറാം എക്സ്പ്രസ്-പരവൂർ, ശാസ്താംകോട്ട 16341/16342 തിരുവനന്തപുരം- ഗുരുവായൂർ ഇൻറർസിറ്റി എക്സ്പ്രസ്-മയ്യനാട് 16303/16304 എറണാകുളം- തിരുവനന്തപുരം വഞ്ചിനാട് എക്സ്പ്രസ്-കരുനാഗപ്പള്ളി, ശാസ്താംകോട്ട, പരവൂർ, 16603/16604 തിരുവനന്തപുരം- മംഗലാപുരം മാവേലി എക്സ്പ്രസ്-കരുനാഗപ്പള്ളി, 56356/56355പുനലൂർ- ഗുരുവായൂർ ഫാസ്റ്റ് പാസഞ്ചർ- കിളികൊല്ലൂർ, പെരിനാട്, ചെറിയനാട്, 18568/18569 കൊല്ലം- വിശാഖപട്ടണം എക്സ്പ്രസ്- ശാസ്താംകോട്ട
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story