വീടുകയറി ആക്രമണം: രണ്ടുപേർ പിടിയിൽ

(ചിത്രം) ചാത്തന്നൂർ: ഉളിയനാട് അപ്പൂപ്പൻ കാവിന് സമീപം രാത്രിയിൽ വീടുകയറി ആക്രമണം നടത്തിയ കേസിൽ രണ്ടുപേരെ പിടികൂടി. ഇതിൽ ഒരാൾ ചാത്തന്നൂർ എക്സൈസ് സംഘം റെയ്ഡിനിടയിൽ നാടൻ ബോംബ് കണ്ടെടുത്ത കേസിലെ പ്രതിയാണ്​. മീനാട് കിഴക്ക് കൊല്ലാക്കുഴി ക്ഷേത്രത്തിന് സമീപം കൊച്ചുകുന്നുംപുറത്ത് വീട്ടിൽ ഷാൻ(28), കോയിപ്പാട് രാജീവ്ഗാന്ധി കോളനിയിൽ രാഹുൽ ഭവനിൽ മമ്മസാലി എന്ന് വിളിക്കുന്ന വിഷ്ണു (28)എന്നിവരെയാണ് ചാത്തന്നൂർ എസ്.എച്ച്.ഒ ജസ്​റ്റിൻ ജോൺ, എസ്.ഐ എ.എസ്. സരിൻ എന്നിവരുടെ നേതൃത്വത്തിലുള്ള ​െപാലീസ് സംഘം അറസ്​റ്റ്​ ചെയ്തത്. കോയിപ്പാട് രാജീവ്ഗാന്ധി കോളനിയിലെ ആൾതാമസം ഇല്ലാത്ത വീട്ടിൽ നിന്നാണ് ഇവരെ പിടികൂടിയത്. ആഗസ്​റ്റ്​ 26ന് രാത്രി പത്ത് മണിയോടെയാണ്​ ഉളിയനാട് അപ്പൂപ്പൻ കാവിന് സമീപം ഷാനും വിഷ്ണുവും ഉൾപ്പെട്ട സംഘം നാടൻ ബോംബ് എറിഞ്ഞ്​ ഭീകരാന്തരീക്ഷം സൃഷ്​ടിച്ച് മാരകായുധങ്ങളുമായി ആക്രമണം നടത്തിയത്. സംഘർഷവുമായി ബന്ധപ്പെട്ട് 14 പേർക്കെതിരെ കേസ് എടുത്തിരുന്നു. പ്രധാന കഞ്ചാവ് കച്ചവടക്കാരാണ് അറസ്​റ്റിലായ ഇരുവരുമെന്ന് ​െപാലീസ് പറഞ്ഞു മുമ്പും കഞ്ചാവുമായി ഇവരെ അറസ്​റ്റ്​ ചെയ്തിട്ടുണ്ട്. അന്വേഷണസംഘത്തിൽ പ്രൊബേഷണറി എസ്.ഐ നിഷാൻ, സി.പി.ഒമാരായ രഞ്ജിത്ത്, സുനിൽ, അനിൽകുമാർ, ബിനീഷ് എന്നിവരും ഉണ്ടായിരുന്നു. പീഡനശ്രമം: യുവാവിനെ പിടികൂടി (ചിത്രം) ഇരവിപുരം: പെൺകുട്ടിയെ പീഡിപ്പിക്കാൻ ശ്രമിച്ച ശേഷം ഒളിവിൽ പോയ യുവാവിനെ പിടികൂടി. കുന്നത്തൂർ ശൂരനാട് ഇടപ്പനയം കരയിൽ പാറകടവ് പോണാൽ പടീറ്റതിൽ വീട്ടിൽ സുഭാഷിനെയാണ് (34) പോക്സോ നിയമപ്രകാരം ഇരവിപുരം പൊലീസ് അറസ്​റ്റ്​ ചെയ്തത്. ജൂലൈയിലായിരുന്നു സംഭവം നടന്നത്. സിറ്റി സൈബർ സെല്ലി​ൻെറ സഹായത്തോടെ കൊല്ലം എ.സി.പി പ്രദീപ് കുമാറി​ൻെറ നേതൃത്വത്തിൽ നടത്തിയ അന്വേഷണത്തിൽ മാവേലിക്കര ചുനക്കരയിൽ ഒളിവിൽ കഴിയുന്നതായി സൂചന ലഭിച്ചു. ഇതിനെ തുടർന്ന് ഇരവിപുരം പൊലീസ് ഇൻസ്പെക്ടർ വിനോദ് കെ.യുടെ നേതൃത്വത്തിൽ എസ്.ഐമാരായ ബിനോദ് കുമാർ, ദീപു, പ്രൊബേഷനറി എസ്.ഐ. അഭിജിത്ത്, ഗ്രേഡ്​ എസ്‌ഐ‌ ആൻറണി, സി.പി.ഒ.സാബിത്ത് എന്നിവരടങ്ങിയ സംഘം പിടികൂടുകയായിരുന്നു.