Begin typing your search above and press return to search.
exit_to_app
exit_to_app
Posted On
date_range 27 Aug 2020 11:58 PM GMT Updated On
date_range 27 Aug 2020 11:58 PM GMTസഹകരണ മേഖലയിലെ ആദ്യ പെട്രോൾ പമ്പ് വെളിയത്ത്
text_fieldsbookmark_border
ഓയൂർ: സഹകരണ മേഖലയിൽ തെക്കൻ കേരളത്തിൽ ആദ്യത്തേതും ഹിന്ദുസ്ഥാൻ പെട്രോളിയത്തിൻെറ സഹകരണ മേഖലയിൽ ഇന്ത്യയിലെ ആദ്യത്തേതുമായ പെട്രോൾ പമ്പ് വെളിയത്ത് പ്രവർത്തനം ആരംഭിച്ചു. വെളിയം റീജനൽ സർവിസ് സഹകരണ ബാങ്കിൻെറ വി.ആർ.എസ് സി.ബി ഫിൽ ആൻഡ് ഫ്ലൈ പെട്രോൾ പമ്പാണ് വ്യാഴാഴ്ച നാടിന് സമർപ്പിച്ചത്. കൊട്ടാരക്കര -ഓയൂർ റൂട്ടിൽ വെളിയം കോളനി ജങ്ഷന് സമീപം ബാങ്കിൻെറ ഉടമസ്ഥതയിലുള്ള 28.5 സൻെറ് ഭൂമിയിലാണ് പമ്പ് സ്ഥാപിച്ചത്. ഹിന്ദുസ്ഥാൻ പെട്രോളിയം കോർപറേഷൻ ലിമിറ്റഡുമായി സഹകരിച്ചാണ് പമ്പ് ആരംഭിക്കുന്നത്. മന്ത്രി കടകംപള്ളി സുരേന്ദ്രൻ വിഡിയോ കോൺഫറൻസിലൂടെ പമ്പിൻെറ ഉദ്ഘാടനം നിർവഹിച്ചു. പി അയിഷാപോറ്റി എം.എൽ.എ അധ്യക്ഷതവഹിച്ചു. മുല്ലക്കര രത്നാകരൻ എം.എൽ.എ ഓഫിസ് ഉദ്ഘാടനവും പി. അയിഷാപോറ്റി എം.എൽ.എ ആദ്യ വിൽപനയും നിർവഹിച്ചു. ബാങ്ക് പ്രസിഡൻറ് ആർ. പ്രേമചന്ദ്രൻ, വെളിയം പഞ്ചായത്ത് പ്രസിഡൻറ് ഷൈല സലിംലാൽ, ജില്ല പഞ്ചായത്തംഗം കെ. ജഗദമ്മ, സഹകരണ സംഘം ജോയൻറ് രജിസ്ട്രാർ എം. ജലജ, എച്ച്.പി.സി.എൽ ചീഫ് റീജനൽ മാനേജർ സരബ്ജിത് സിങ്, പഞ്ചായത്തംഗം വി. കവിത, ബാങ്ക് സെക്രട്ടറി ബി. വിക്രമൻപിള്ള എന്നിവർ സംസാരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story