സത്യദേവ​െൻറ ജീവിതകഥ കഥാപ്രസംഗ വേദിയിലേക്ക്

സത്യദേവ​ൻെറ ജീവിതകഥ കഥാപ്രസംഗ വേദിയിലേക്ക് കൊല്ലം: കഥാപ്രസംഗകലയുടെ ഉപാജ്ഞാതാവ് സി.എ. സത്യദേവ​ൻെറ ജീവിതകഥ കഥാപ്രസംഗ വേദിയിലെത്തുന്നു. നൂതനമായ കലാശിൽപത്തിൻെറ രചനയുടെ ഗാനങ്ങളും ഈണവും നൽകി ഡോ. വസന്തകുമാർ സാംബശിവനാണ് സാക്ഷാത്കരിക്കുന്നത്. ശ്രീനാരായണ ഗുരുവിൻെറ ഗൃഹസ്​ഥശിഷ്യനായിരുന്നു സത്യദേവൻ. സംഗീതജ്ഞൻ കൂടിയായിരുന്നു അദ്ദേഹം. കഥാപ്രസംഗമെന്ന മഹത്കലക്ക്​ ജന്മം നൽകിയ സംഭവങ്ങളും ചരിത്രപ്രധാനമായ അവയുടെ പശ്ചാത്തലവും ഉൾച്ചേരുന്ന കലാശിൽപം കഥകളുടെ വിഭിന്നഭാവമാർന്ന ഒരു സംയോജിത രൂപത്തിലായിരിക്കും. ഹരികഥയിൽ നിന്നും കഥാപ്രസംഗത്തിലേക്കുള്ള രൂപപരിണാമം കഥാശിൽപത്തിലുണ്ട്. തിരുവനന്തപുരം എൻ. കൃഷ്ണപിള്ള ഫൗണ്ടേഷനിലും വി. സാംബശിവൻ ഫൗണ്ടേഷനിലും വൈകാതെ വസന്തകുമാർ അവതരിപ്പിക്കും.