Begin typing your search above and press return to search.
exit_to_app
exit_to_app
Posted On
date_range 23 Aug 2020 11:58 PM GMT Updated On
date_range 23 Aug 2020 11:58 PM GMTപഠനോപകരണ വിതരണം
text_fieldsbookmark_border
(ചിത്രം) കടയ്ക്കൽ: എം.എസ്.എം അറബിക് കോളജിലെ വിവിധ ക്ലാസുകളിലെ ഓൺലൈൻ പഠനസൗകര്യമില്ലാത്ത വിദ്യാർഥികൾക്ക് പൂർവവിദ്യാർഥികൾ നൽകിയ സ്മാർട്ട് ഫോണുകളും സ്ഥാപനത്തിൻെറ വകയായ പാഠപുസ്തകങ്ങളും ഡയറക്ടർ ഡോ. എം.എസ്. മൗലവി വിതരണം ചെയ്തു. എ. താജുദ്ദീൻ നദ്വി അധ്യക്ഷത വഹിച്ചു. ചന്ദനത്തോപ്പ് ശിഹാബുദ്ദീൻ മൗലവി, അസോസിയേഷൻ ഭാരവാഹികളായ റാഷിദ് പേഴുംമൂട്, ഉനൈസ് നിലമേൽ, സംഗീത റോബർട്ട്, സബീന നാസർ, അഖില എസ്, ശ്രുതി എസ്.എസ്, ലക്ഷ്മി ഷാജഹാൻ തുടങ്ങിയവർ സംസാരിച്ചു. പ്രിലിമിനറി രണ്ട്, ബി.എ രണ്ട്- മൂന്ന് ക്ലാസുകളിലെ ഓൺലൈൻ പഠനം ആഗസ്റ്റ് 24 മുതൽ പുനരാരംഭിക്കുമെന്നും പ്രിലിമിനറി, ബി.എ ക്ലാസുകളിലേക്കുള്ള അഡ്മിഷൻ സെപ്റ്റംബർ അഞ്ച് വരെ തുടരുമെന്നും പ്രിൻസിപ്പൽ അറിയിച്ചു. ആദിവാസികുടുംബങ്ങൾക്ക് ഓണസമ്മാനം പത്തനാപുരം: പാടം വെള്ളംതെറ്റിയിലെ ആദിവാസി കുടുംബങ്ങൾക്ക് റോട്ടറി ക്ലബ് ഓണസമ്മാനം എത്തിച്ചു. പത്തനാപുരം റോട്ടറി ക്ലബിൻെറ നേതൃത്വത്തിൽ റോട്ടറി സോണൽ സർവിസ് േപ്രാജക്റ്റിൻെറ ഭാഗമായാണ് ഓണത്തിന് വേണ്ടിയുള്ള ഭക്ഷ്യധാന്യം എത്തിച്ചത്. റോട്ടറി ക്ലബ് ഓഫ് അഞ്ചൽ, പുനലൂർ, റിവർ സൈഡ്, മിഡ് ടൗൺ, കുന്നിക്കോട് റോയൽസ്, പത്തനാപുരം എന്നീ ക്ലബുകളുടെ സംയുക്താഭിമുഖ്യത്തിലാണ് കിറ്റ് വിതരണം നടന്നത്. കെ.ബി. ഗണേഷ് കുമാർ എം.എല്.എ ഉദ്ഘാടനം ചെയ്തു. ബിജു മാത്യു അധ്യക്ഷത വഹിച്ചു. കടയിൽനിന്ന് പണവും സാധനങ്ങളും മോഷ്ടിച്ചു പത്തനാപുരം: വ്യാപാരസ്ഥാപനം കുത്തിത്തുറന്ന് പണവും പലചരക്ക് സാധനങ്ങളും മോഷ്ടിച്ചു. മാങ്കോട് അംബേദ്കർ കോളനിയിൽ ഷെമി മൻസിലിൻ ഷീജയുടെ പലചരക്ക് കടയാണ് കഴിഞ്ഞദിവസം രാത്രി കുത്തിത്തുറന്നത്. 16,000 രൂപയും സാധനങ്ങളുമാണ് അപഹരിച്ചത്. പത്തനാപുരം പൊലീസ് സ്ഥലത്ത് എത്തി കേസ് എടുത്ത് അന്വേഷണം ആരംഭിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story