Begin typing your search above and press return to search.
exit_to_app
exit_to_app
Posted On
date_range 15 Feb 2021 12:02 AM GMT Updated On
date_range 15 Feb 2021 12:02 AM GMTരജിസ്ട്രേഷൻ നടപടി സുഗമമാക്കുക
text_fieldsbookmark_border
കാഞ്ഞങ്ങാട്: റീസർവേ നടന്ന വില്ലേജുകളിലെ രജിസ്ട്രേഷൻ നടപടികൾ സുഗമമാക്കണമെന്ന് ഓൾ കേരള ഡോക്യുമൻെറ് റൈറ്റേഴ്സ് ആൻഡ് സ്ക്രൈബ്സ് അസോസിയേഷൻ ഹോസ്ദുർഗ് മേഖല സമ്മേളനം ആവശ്യപ്പെട്ടു. ഭൂമിയുടെ തണ്ടപ്പേർ ലഭിക്കാനുള്ള കാലതാമസം ഒഴിവാക്കണമെന്നും ഹോസ്ദുർഗ് ഓഫിസിലേക്കുള്ള വഴിയിൽ ഉണ്ടാകുന്ന തടസ്സങ്ങളും തെരുവുനായ് ശല്യവും ഒഴിവാക്കുന്നതിന് ആവശ്യമായ നടപടികൾ സ്വീകരിക്കണമെന്നും സമ്മേളനം ആവശ്യപ്പെട്ടു. കാഞ്ഞങ്ങാട് നഗരസഭ വൈസ് ചെയർമാൻ ബിൽടെക് അബ്ദുല്ല ഉദ്ഘാടനം ചെയ്തു. മേഖല പ്രസിഡൻറ് പി.പി. കുഞ്ഞികൃഷ്ണൻ അധ്യക്ഷത വഹിച്ചു. അന്തരിച്ച യൂനിയൻ നേതാവ് പി.ആർ. കുഞ്ഞിരാമൻ അനുസ്മരണവും നടന്നു. ജില്ല പ്രസിഡൻറ് സുനിൽകുമാർ കൊട്ടറ, ജില്ല സെക്രട്ടറിയുടെ ചുമതല വഹിക്കുന്ന എം. ബാലഗോപാലൻ, വൈസ് പ്രസിഡൻറ് പി. അരവിന്ദാക്ഷൻ, കെ. രജനി, മേഖല സെക്രട്ടറി കെ.വി. രവീന്ദ്രൻ, പി.പി. മോഹനൻ എന്നിവർ സംസാരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story