Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKasaragodchevron_rightഉപ്പുവെള്ളം കയറൽ;...

ഉപ്പുവെള്ളം കയറൽ; പ്രത്യേക യോഗം ചേര്‍ന്നു

text_fields
bookmark_border
നീലേശ്വരം: തീരദേശ മേഖലയില്‍ ഉപ്പുവെള്ളം കയറി കൃഷി നശിക്കുകയും കുടിവെള്ളം ഉപയോഗശൂന്യമാവുകയും ചെയ്യുന്ന വിഷയം ചര്‍ച്ച ചെയ്യുന്നതിന്​ എം. രാജഗോപാലന്‍ എം.എൽ.എയുടെ നേതൃത്വത്തിൽ ജനപ്രതിനിധികളുടെയും ഉദ്യോഗസ്ഥരുടെയും പ്രത്യേക യോഗം ചേര്‍ന്നു. ഉപ്പ​ുവെള്ളം കയറുന്നത് തടയുന്നതിന്​ പദ്ധതികള്‍ തയാറാക്കുന്നതിനും മുന്‍ഗണന ക്രമത്തില്‍ ക്രോഡീകരിച്ച് വിവിധ വകുപ്പുകളുടെ സഹകരണത്തോടെ മാസ്​റ്റര്‍ പ്ലാന്‍ തയാറാക്കി സർക്കാറിന്​ സമര്‍പ്പിക്കാനും യോഗത്തില്‍ തീരുമാനമെടുത്തു. അടിയന്തരമായി പരിഹരിക്കേണ്ട വിഷയങ്ങള്‍ക്ക് ഉടന്‍ പരിഹാരം കാണാൻ ഉദ്യോഗസ്ഥര്‍ക്ക് എം.എല്‍.എ നിർദേശം നല്‍കി. നഗരസഭ ചെയര്‍പേഴ്സൻ ടി.വി. ശാന്ത, വൈസ് ചെയര്‍മാന്‍ പി.പി. മുഹമ്മദ്റാഫി, ഇറിഗേഷന്‍ അസി. എക്സിക്യൂട്ടിവ് എൻജിനീയര്‍ എ.പി. സുധാകരന്‍, മേജര്‍ ഇറിഗേഷന്‍ അസി. എക്സിക്യൂട്ടിവ് എൻജിനീയര്‍ പി. രമേശന്‍, അസി. എൻജിനീയര്‍മാരായ ഫെമി മരിയ തോമസ്, മധു എന്നിവർ സംസാരിച്ചു.
Show Full Article
TAGS:
Next Story