നിയമസഭ തെരഞ്ഞെടുപ്പ്: പ്രവർത്തനം ശക്തിപ്പെടുത്താൻ മുസ്​ലിം ലീഗ്

ഉപ്പള: നിയമസഭ തെരഞ്ഞെടുപ്പിന് മുന്നൊരുക്കങ്ങളുമായി മുസ്​ലിം ലീഗ് മഞ്ചേശ്വരം മണ്ഡലം കമ്മിറ്റി. പ്രവർത്തനം ശക്തിപ്പെടുത്താൻ കർമപദ്ധതികൾ ആവിഷ്കരിച്ചു. ത്രിതല പഞ്ചായത്ത് ​െതരഞ്ഞെടുപ്പ് അവലോകനം, സംഘടന സംവിധാനം വാർഡ് തലംതൊട്ട് സജീവമാക്കൽ, ജനപ്രതിനിധികൾക്ക് പരിശീലനം തുടങ്ങിയവ ആദ്യഘട്ടമായി സംഘടിപ്പിക്കും. പുരോഗതി അവലോകനം ചെയ്യാനായി ചേർന്ന നേതൃതല ഏകദിന സംഗമത്തിൽ പ്രസിഡൻറ്​ ടി.എ. മൂസ അധ്യക്ഷത വഹിച്ചു. ജനറൽ സെക്രട്ടറി എം. അബ്ബാസ് സ്വാഗതം പറഞ്ഞു. ജില്ല ഭാരവാഹികളായ എം.ബി. യൂസുഫ് ബന്തിയോട്, വി.പി.എ കാദർ, മണ്ഡലം ഭാരവാഹികളായ അഷ്റഫ് കർള, പി.എച്ച്. അബ്​ദുൽ ഹമീദ് മച്ചമ്പാടി, എ.കെ. ആരിഫ്, എം.എസ്.എ സത്താർ ഹാജി തുടങ്ങിയവർ സംബന്ധിച്ചു. മണ്ഡലം പര്യടനത്തിനായി തെരഞ്ഞെടുത്ത സബ് കമ്മിറ്റി അംഗങ്ങളായ എം.ബി. യൂസുഫ് ബന്തിയോഡ്, അഷ്റഫ് കർള, എ.കെ. ആരിഫ്, പി.എച്ച്. അബ്​ദുൽ ഹമീദ് മച്ചമ്പാടി, അബ്​ദുല്ല മാദേരി എന്നിവർ ഒന്നാം ഘട്ടമായി മണ്ഡലത്തിലുടനീളം നേതാക്കളെയും പ്രധാന പ്രവർത്തകരെയും നേരിൽ കണ്ട് ചർച്ച നടത്തി.