'പാർക്കോ സ്പർശം' സാന്ത്വന ട്രസ്​റ്റിന് തുടക്കം

കാഞ്ഞങ്ങാട്: അതിയാമ്പൂർ പാർക്കോ ക്ലബ് അംഗങ്ങളുടെ കൂട്ടായ്മയിൽ പാർക്കോ സ്പർശം സാന്ത്വന ട്രസ്​റ്റിന്​ തുടക്കമായി. ക്ലബ് അംഗങ്ങൾക്ക് ലഭിക്കുന്ന വരുമാനത്തി​‍ൻെറ ഒരുഭാഗം എല്ലാ മാസവും നീക്കിവെച്ച്​ കഷ്​ടത അനുഭവിക്കുന്നവർക്ക് തക്കസമയത്ത് നൽകുന്ന പ്രവർത്തനമാണ് പാർക്കോ സ്പർശം. ഇങ്ങനെ സ്വരുക്കൂട്ടിയ തുക നിർധനരായ രോഗികൾക്ക് നൽകുന്നതിന് ക്ലബ് അംഗങ്ങൾ നഗരസഭ ചെയർപേഴ്സൻ കെ.വി. സുജാതക്ക്​ കൈമാറി. ഇരു വൃക്കകളും തകരാറിലായി കഷ്​ടത അനുഭവിക്കുന്ന അതിയാമ്പൂർ ശശിക്ക് സഹായധനം നൽകി. ചെയർപേഴ്സൻ കെ.വി. സുജാത സഹായധനം കുടുംബത്തിന് കൈമാറി. ക്ലബ് രക്ഷാധികാരികളായ വേണു രാജ്കോടോത്ത്, ഡി. ഗംഗാധരൻ, സെക്രട്ടറി പി.വി. സാലു, കെ.ടി. അശോകൻ, പി.വി. ജയൻ, എ.കെ. ഉണ്ണി, കെ. അനിൽകുമാർ എന്നിവർ സംബന്ധിച്ചു.