ഷാനവാസ് പാദൂർ ഫുട്​ബാളുമായി കുട്ടികളെ കാണാൻ എത്തി

ഉദുമ: ജില്ല പഞ്ചായത്ത് വൈസ് പ്രസിഡൻറ്​ ഷാനവാസ് പാദൂർ വാക്കുപാലിച്ചു. ഫുട്​ബാളുമായി കുട്ടികളെ കാണാൻ എത്തി. പെരുമ്പള കുണ്ടടുക്കം എ.കെ.ജി സ്മാരക വായനശാല കഴിഞ്ഞ ആഴ്ച ജനപ്രതിനിധികൾക്ക് സ്വീകരണം നൽകിയിരുന്നു. അന്ന് വായനശാല ബാലവേദി പ്രവർത്തകർ ഷാനവാസ് പാദൂറുമായി സൗഹൃദ സംഭാഷണം നടത്തി ഫുട്​ബാൾ വേണമെന്ന്​ ആവശ്യപ്പെട്ടിരുന്നു. ഉടൻ ഫുട്​ബാളുമായി എത്തുമെന്ന്​ അദ്ദേഹം കുട്ടികൾക്ക്​ വാക്ക്​ കൊടുക്കുകയും ചെയ്​തു. വാക്ക്​ നിറവേറ്റി ഷാനവാസ് എ.കെ.ജി സ്മാരക വായനശാലയിൽ ഫുട്​ബാളുമായി എത്തി. കുട്ടികൾ കളിക്കുന്ന ഗ്രൗണ്ടിൽ ​െവച്ചുതന്നെ ഫുട്​ബാൾ കൈമാറി. കുട്ടികളോടൊപ്പം സെൽഫി കൂടി എടുത്താണ് ഷാനവാസ് മടങ്ങിയത്.