ഡൽഹി ചലോ സമരത്തിന് പിന്തുണ പ്രഖ്യാപിച്ച് കർഷക സമരസമിതി

ചെറുവത്തൂർ: ഡൽഹി ചലോ സമരത്തിന് പിന്തുണ പ്രഖ്യാപിച്ച് കർഷക സമരസമിതി സത്യഗ്രഹ സമരം നടത്തി. തൃക്കരിപ്പൂർ ഏരിയ കമ്മിറ്റിയുടെ നേതൃത്വത്തിൽ കാസർകോട്​ പുതിയ ബസ് സ്​റ്റാൻഡ്​ പരിസരത്ത് നടത്തിയ സമരം കയ്യൂർ ചീമേനി പഞ്ചായത്ത് പ്രസിഡൻറ്​ കെ.പി. വത്സൻ ഉദ്ഘാടനം ചെയ്തു. കിസാൻ സഭ ജില്ല വൈസ് പ്രസിഡൻറ്​ കെ. ജനാർദനൻ അധ്യക്ഷത വഹിച്ചു. കർഷക സംഘം സംസ്ഥാന കമ്മിറ്റി അംഗം എം.വി. കോമൻ നമ്പ്യാർ, ബങ്കളം കുഞ്ഞികൃഷണൻ, പി. രവീന്ദ്രൻ, ടി.വി. കുഞ്ഞികൃഷ്ണൻ, ഭുജംഗ ഷെട്ടി എന്നിവർ സംസാരിച്ചു. തൃക്കരിപ്പൂർ ഏരിയയിൽനിന്നും തിരഞ്ഞെടുക്കപ്പെട്ട 50 വളൻറിയർമാർ സത്യഗ്രഹ സമരത്തിൽ പങ്കെടുത്തു.