യാദവസഭ കൃഷ്ണഗാഥ പ്രതിഭ പുരസ്കാരദാനം

ഉദുമ‌: യാദവസഭയുടെ കൃഷ്ണഗാഥ പ്രതിഭ പുരസ്‌കാര ചടങ്ങ് സംസ്ഥാന പ്രസിഡൻറ്​ വയലപ്രം നാരായണൻ ഉദ്‌ഘാടനം ചെയ്തു. പള്ളിക്കര പഞ്ചായത്ത്‌ അംഗമായി തെരഞ്ഞെടുക്കപ്പെട്ട യാദവസഭ ഹോസ്ദുർഗ് താലൂക്ക് വൈസ് പ്രസിഡൻറ്​ ജയശ്രീ മാധവനെ സംസ്​ഥാന വൈസ് പ്രസിഡൻറ്​ ശിവരാമൻ മേസ്​ത്രി അരവത്ത് പൊന്നാടയണിയിച്ചു. താലൂക്ക് പ്രഡിഡൻറ്​ ബാബു കുന്നത്ത് അധ്യക്ഷത വഹിച്ചു. പത്താംതരം പരീക്ഷയിൽ മികച്ച വിജയം നേടിയവർക്ക് അഖിലേന്ത്യ യാദവ മഹാസഭ സെക്രട്ടറി രമേശ് യാദവ് പുരസ്‌കാരങ്ങൾ നൽകി. സാരഥി യു.എ.ഇ വൈസ് പ്രസിഡൻറ്​ തമ്പാൻ യാദവ്, കണ്ണൂർ ക്രൈം ബ്രാഞ്ച് ഡിവൈ.എസ്.പി കെ. ദാമോദരൻ, ഭാസ്കരൻ പുല്ലൂർ, വേലായുധൻ ആയുമ്പാറ, കമലാക്ഷൻ ജയപ്പുരം, ബാലകൃഷ്ണൻ തണ്ണോട്ട് എന്നിവർ സംസാരിച്ചു.