പച്ചക്കറി വിത്ത് കൈമാറി

പടന്ന: ജൈവകൃഷി പ്രോത്സാഹനം ലക്ഷ്യമിട്ട് തൃക്കരിപ്പൂർ ലയൺസ് ക്ലബ് പുതുവത്സര ദിനത്തിൽ പച്ചക്കറി വിത്ത് വിതരണംചെയ്തു. ഒമ്പതാം വാർഡംഗം പി.പി. കുഞ്ഞികൃഷ്ണന് തൃക്കരിപ്പൂർ ലയൺസ് ക്ലബ് ഫസ്​റ്റ്​ ലേഡിലയൺ സപ്രഭ ബാബുരാജ് വിത്തുകൾ കൈമാറി. ഒമ്പതാം വാർഡിലെ 300 വീടുകളിൽ പച്ചക്കറി കൃഷിക്കുള്ള വെണ്ട, പയർ, തക്കാളി, മുളക്, പടവലം വിത്തുകളാണ് വിതരണം ചെയ്തത്. ചടങ്ങി​ൻെറ ഉദ്ഘാടനം ലയൺ വി.വി. ചന്ദ്രൻ നിർവഹിച്ചു. വി.വി. ബാബുരാജ്, സുരേഷ്കുമാർ, ദിനേഷ് പൊതുവാൾ, രാജൻ, പ്രദീപ്കുമാർ രാമപുരത്ത്, സുരേന്ദ്രൻ എന്നിവർ സംസാരിച്ചു. കെ. വേണു, ഇ.വി. ചിത്ര, എം.വി. മോഹനൻ, കെ. നാരായണി എന്നിവർ പങ്കെടുത്തു.