അയ്യൂബി​െൻറ മരണം സൃഷ്​ടിച്ച ശൂന്യതയിൽ പടന്ന തെക്കേപ്പുറം

അയ്യൂബി​ൻെറ മരണം സൃഷ്​ടിച്ച ശൂന്യതയിൽ പടന്ന തെക്കേപ്പുറം പടന്ന: കോവിഡ് ബാധിതനായി ചികിത്സയിലിരിക്കെ മരിച്ച വി.കെ. അയ്യൂബി​ൻെറ മരണം പടന്ന തെക്കേപ്പുറത്തെ ദുഃഖസാന്ദ്രമാക്കി. ആദ്യം കാഞ്ഞങ്ങാട്ട്​ ചികിത്സയിലായിരുന്ന അയ്യൂബിനെ ഈ മാസം 11നാണ് പരിയാരത്തേക്ക് മാറ്റിയത്. എല്ലാവരോടും സരസമായ സംഭാഷണ ശൈലിയിലൂടെ ഇടപഴകുന്ന അയ്യൂബി​ൻെറ പടന്ന തെക്കേപ്പുറത്തുള്ള ഫർണിച്ചർ കട സൗഹൃദക്കൂട്ടായ്മയുടെ കേന്ദ്രമായിരുന്നു. ആരോരുമറിയാതെ നിരവധി പാവങ്ങൾക്ക് അത്താണി കൂടി ആയിരുന്നു അയ്യൂബ് എന്നത് മരണശേഷമാണ് ബന്ധുക്കളും സുഹൃത്തുക്കളും അറിയുന്നത്. തുരുത്തിയിലാണ് സ്വന്തം വീടെങ്കിലും തറവാട് ഉൾപ്പെടുന്ന പടന്നയിലാണ് അദ്ദേഹം സജീവമായി ഇടപഴകാറുള്ളത്​.