ഇ.കെ. നായനാർ വോളിബാൾ അക്കാദമിയിൽ അഡ്മിഷൻ തുടങ്ങി

ചെറുവത്തൂർ: പള്ളിപ്പാറയിലെ ഇ.കെ. നായനാർ വോളിബാൾ അക്കാദമിയിൽ 2021 വർഷത്തേക്കുള്ള അഡ്മിഷൻ തുടങ്ങി. കഴിഞ്ഞവർഷം നൂറോളം കുട്ടികൾക്ക് കേരളത്തിലെ മികച്ച കോച്ചി​ൻെറ ശിക്ഷണത്തിലാണ് പരിശീലനം നൽകിയത്. സംസ്ഥാന-ജില്ല ചാമ്പ്യൻഷിപ്പിൽ നിരവധി കുട്ടികൾക്ക് പങ്കെടുക്കുന്നതിന് വേണ്ടി അവസരം ലഭിച്ചിരുന്നു. കേരളത്തിലെ വോളിബാൾ രംഗത്ത് നൂതനമായ രീതിയിൽ പരിശീലനം നൽകുന്ന പി.കെ. മനോജി​ൻെറ ശിക്ഷണത്തിലാണ് ഇക്കുറിയും പരിശീലനം നൽകുക. പരിശീലനത്തിനായി നിലവിൽ മൂന്ന് ഗ്രൗണ്ടുകളും വാൾ പ്രാക്ടീസുമുണ്ട്. പരിശീലനത്തിന് ആവശ്യമുള്ള അടിസ്​ഥാന സൗകര്യങ്ങൾ മെച്ചപ്പെടുത്തിയെടുക്കുന്നതിന് അക്കാദമിക്ക്​ കഴിഞ്ഞിട്ടുണ്ട്. ഞായറാഴ്ച ഉച്ചക്ക്​ രണ്ടുമണിക്ക് അഡ്മിഷന് വേണ്ടിയുള്ള സെലക്​ഷൻ ക്യാമ്പ് നടക്കും. 10 വയസ്സു മുതൽ 18 വയസ്സു വരെയുള്ള ആൺകുട്ടികൾക്കും പെൺകുട്ടികൾക്കും സെലക്​ഷൻ ക്യാമ്പിൽ പങ്കെടുക്കാം. കൂടുതൽ ഭൗതികസാഹചര്യം മെച്ചപ്പെടുന്നത്തുതിനുവേണ്ടി മിനി ജിം, മിനി വോളി ഗ്രൗണ്ട് എന്നിവ ഉണ്ടാക്കുന്നതിനുള്ള തയാറെടുപ്പിലാണ് അക്കാദമി.