Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKasaragodchevron_rightസത്യപ്രതിജ്ഞ...

സത്യപ്രതിജ്ഞ കഴിഞ്ഞപാടേ എത്തിയത് ലോഡിറക്കാൻ

text_fields
bookmark_border
വെള്ളരിക്കുണ്ട്: സത്യപ്രതിജ്ഞക്കുശേഷം മുതിർന്ന അംഗം നേരെ പോയത് റേഷൻ ലോഡ് ഇറക്കാൻ. വെസ്​റ്റ്​ എളേരി പഞ്ചായത്തിലെ ഏഴാം വാർഡിൽനിന്ന്​ ​െതരഞ്ഞെടുക്കപ്പെട്ട കെ.കെ. തങ്കച്ചനാണ് സത്യപ്രതിജ്ഞ കഴിഞ്ഞ് ഉടൻ സ്വന്തം തൊഴിലിൽ വാപൃതനായത്​. വള്ളിക്കടവ്, കാറ്റാം കവല എന്നിവിടങ്ങളിലെ റേഷൻ കടകളിലേക്കുള്ള അരിച്ചാക്കുകൾ ഇറക്കുകയായിരുന്ന​ു അന്നത്തെ ജോലി. ​െതരഞ്ഞെടുക്കപ്പെട്ട അംഗങ്ങളിൽ ഏറ്റവും പ്രായം കൂടിയ ആളെന്ന നിലയിൽ കെ.കെ. തങ്കച്ചനായിരുന്നു മറ്റ്​ അംഗങ്ങൾക്ക് സത്യവാചകം ചൊല്ലിക്കൊടുത്തത്. ഇതുകഴിഞ്ഞ് ആദ്യ പഞ്ചായത്ത് യോഗത്തിലിരിക്കുമ്പോഴാണ് സഹപ്രവർത്തകൻ പുങ്ങംചാലിലെ പുഞ്ചവള്ളിയിൽ മോഹനൻ ഫോണിൽ വിളിക്കുന്നത്‌. റേഷൻ സാധങ്ങൾ വന്നിട്ടുണ്ട്, എന്നും ഇറക്കാൻ എത്തുമോ എന്നായിരുന്നു ചോദ്യം. ഉച്ചയോടെ പുങ്ങംചാലിലെ വീട്ടിൽ തിരിച്ചെത്തിയ തങ്കച്ചൻ ഉടൻ യൂനിഫോം ധരിച്ച്​ നേരെ ചെന്ന് റേഷൻ സാധനങ്ങൾ കൊണ്ടുവന്ന ലോറിയിൽ കയറുകയായിരുന്നു. കുറെ വർഷമായി പുങ്ങംചാൽ, മാലോം, വള്ളിക്കടവ്, പറമ്പ, കാറ്റാം കവല എന്നീ സ്ഥലങ്ങളിലെത്തുന്ന റേഷൻ സാധനങ്ങൾ ഇറക്കുന്നത് തങ്കച്ച​ൻെറ നേതൃത്വത്തില​ുള്ളവരാണ്. പഞ്ചായത്ത്​ അംഗമായാലും, ജീവിക്കാൻ വേണ്ടി ചെയ്യുന്ന തൊഴിൽ തുടരുമെന്ന് കെ.കെ. തങ്കച്ചൻ പറഞ്ഞു. വെസ്​റ്റ്​ എളേരി നാട്ടക്കൽ വാർഡിൽ നിന്നാണ് യു.ഡി.എഫ് സ്ഥാനാർഥിയായി 67 വയസ്സുള്ള കെ.കെ. തങ്കച്ചൻ വിജയിച്ചത്. സി.പി.എം സിറ്റിങ്​ വാർഡായ നാട്ടക്കല്ലിൽ നിന്ന്​ 143 വോട്ടി​ൻെറ ഭൂരിപക്ഷം നേടിയാണ് ഇദ്ദേഹം വിജയിച്ചത്.
Show Full Article
TAGS:
Next Story