Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKasaragodchevron_rightപുല്ലൂർ പെരിയയിൽ​...

പുല്ലൂർ പെരിയയിൽ​ മൂന്ന്​ വാർഡുകളിൽ ബി.ജെ.പി വോട്ട്​ മറിച്ചതായി സി.പി.എം

text_fields
bookmark_border
കാഞ്ഞങ്ങാട്​: പുല്ലൂർ-പെരിയ പഞ്ചായത്തിൽ ഇടതുപക്ഷത്തെ പരാജയപ്പെടുത്തുകയെന്ന ലക്ഷ്യത്തോടെ ബി.ജെ.പി മൂന്ന്​ വാർഡുകളിൽ വോട്ട്​ മറിച്ചതായി സി.പി.എം കണക്കുകൾ സഹിതം ആരോപണമുന്നയിച്ചു. പുല്ലൂർ പെരിയ പഞ്ചായത്തിലെ ഒമ്പതാം വാർഡിലും (ഉദയനഗർ), ആറാം വാർഡിലും​ (ഇരിയ), ചാലിങ്കാൽ 14ാം വാർഡിലുമാണ്​ ബി.ജെ.പി വോട്ട്​ മറിച്ചതായി സി.പി.എം കണക്കുകൾ സഹിതം ആരോപണമുന്നയിക്കുന്നത്​. ഒമ്പതാം വാർഡിൽ ബി.ജെ.പിയുടെ ജില്ല പഞ്ചായത്ത്​ സ്ഥാനാർഥിക്ക്​ 226 വോട്ടും ബ്ലോക്ക്​ പഞ്ചായത്ത്​ സ്ഥാനാർഥിക്ക്​ 220 വോട്ടും ലഭിച്ചപ്പോൾ വാർഡിലെ ബി.ജെ.പി സ്ഥാനാർഥിക്ക്​ 126 വോട്ട്​ മാത്രമാണ്​ ലഭിച്ചതെന്നാണ്​​ സി.പി.എം ആരോപിക്കുന്നത്​. ഇവിടെ കോൺഗ്രസ്​ സ്ഥാനാർഥി ജയിച്ചത്​ 73 വോട്ടുകൾക്കാണ്​. നൂറ്​ വോട്ട്​ ബി.ജെ.പി ഇവിടെ കോൺഗ്രസിന്​ മറിച്ച്​ ചെയ്​തില്ലായിരുന്നെങ്കിൽ 27 വോട്ടിന്​ എൽ.ഡി.എഫ്​ സ്ഥാനാർഥി വിജയിക്കുമെന്നാണ്​ എൽ.ഡി.എഫ്​ അവകാശവാദം. ആറാം വാർഡായ ഇരിയയിലും സമാന രീതിയിൽ വോട്ട്​ മറിച്ചതായും സി.പി.എം ആരോപണമുന്നയിക്കുന്നു. ജില്ല പഞ്ചായത്ത്​, ബ്ലോക്ക്​ പഞ്ചായത്ത്​ ബി.ജെ.പി സ്ഥാനാർഥികൾക്ക്​ 148 വോട്ട്​ ലഭിച്ചപ്പോൾ വാർഡിലെ സ്ഥാനാർഥിക്ക്​ 54 വോട്ട്​ മാത്രമാണ്​ ലഭിച്ചത്​. ഇവിടെയും 96 വോട്ടി​ൻെറ കുറവാണുള്ളത്​. ഇവിടെ എൽ.ഡി.എഫ്​ സ്ഥാനാർഥിയുടെ പരാജയം 38 വോട്ടിന്​ മാത്രമാണ്​. ചാലിങ്കാൽ 14ാം വാർഡിൽ 200ഓളം വോട്ടുള്ള ബി.ജെ.പിക്ക്​ വാർഡ്​ സ്ഥാനാർഥിക്ക്​ 88 വോട്ട്​ മാത്രമാണ്​ ലഭിച്ചത്​. ഇതിൽ നിന്നും വ്യക്തമാകുന്നത്​ യു.ഡി.എഫി​ൻെറ ബി.ജെ.പിയുമായുള്ള അവിശുദ്ധ കൂട്ടുകെട്ടാണെന്ന്​ സി.പി.എം നേതാക്കൾ പറഞ്ഞു. നിലവിൽ പുല്ലൂർ പെരിയ പഞ്ചായത്തിൽ ഏഴ്​ വാർഡിൽ എൽ.ഡി.എഫും ഒമ്പത്​ വാർഡിൽ യു.ഡി.എഫും ഒരു വാർഡിൽ ബി.ജെ.പിയുമാണ്​ വിജയിച്ചത്​. ബി.ജെ.പി വിജയിച്ച പത്താം വാർഡിൽ കോൺഗ്രസിന്​ മുന്നൂറോളം വോട്ടുണ്ടെങ്കിലും വാർഡ്​ സ്ഥാനാർഥിക്ക്​ 168 വോട്ട്​ മാത്രമാണ്​ ലഭിച്ചത്​. ഇത്​ ആറ്​, ഒമ്പത്​ വാർഡുകളിലെ വോട്ടിനുള്ള പ്രത്യുപകരമാണെന്നും എൽ.ഡി.എഫ്​ ആരോപിക്കുന്നു. അതേ സമയം, സി.പി.എമ്മി​ൻെറ കുത്തക വാർഡായ 16ാം വാർഡ്​ യു.ഡി.എഫ്​ പിടിച്ചെടുക്കാനുണ്ടായ സാഹചര്യം കല്യോ​ട്ടെ ഇരട്ടക്കൊലയുടെ പ്രതികരണമാണെന്നും ഇതാണ്​ മറ്റ്​ വാർഡുകളിലും പ്രതിഫലിച്ചതെന്നാണ്​ യു.ഡി.എഫി​ൻെറ അവകാശവാദം.
Show Full Article
TAGS:
Next Story