Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKasaragodchevron_rightഎൻമകജെ നിലനിർത്തി...

എൻമകജെ നിലനിർത്തി യു.ഡി.എഫ്; സഹോദരങ്ങൾ ജയിച്ചപ്പോൾ ദമ്പതികളിൽ ഭർത്താവിന്​ തോൽവി

text_fields
bookmark_border
കാസർകോട്​: ബി.ജെ.പി പ്രതിനിധിയായ പ്രസിഡൻറിനെ അവിശ്വാസ പ്രമേയത്തിലൂടെ 2018ൽ താഴെയിറക്കി ഭരണം കൈയാളിയ എൻമകജെ ഗ്രാമപഞ്ചായത്ത്​ യു.ഡി.എഫ്​ നിലനിർത്തി. ആകെ 17 വാർഡുകളിൽ 14 സീറ്റിൽ കോൺഗ്രസും മൂന്നു സീറ്റിൽ മുസ്​ലിം ലീഗുമാണ് സീറ്റുവിഭജന ധാരണ പ്രകാരം ഇത്തവണ മത്സരിച്ചത്. ഇതിൽ അഞ്ചിടത്ത്​ മാത്രമാണ്​ കോൺഗ്രസിന്​ ജയിക്കാനായത്​. മത്സരിച്ച മൂന്നിടത്തും മുസ്​ലിം ലീഗ്​ ജയിച്ചുകയറി. സഹോദരങ്ങളും ദമ്പതികളും കോൺഗ്രസ്​ ടിക്കറ്റിൽ ജനവിധി തേടിയ ഗ്രാമപഞ്ചായത്തിൽ സഹോദരങ്ങൾ ജയിച്ചപ്പോൾ ദമ്പതികളിൽ ഭർത്താവ്​ തോറ്റു. കാസർകോട്​ ഡി.സി.സി ജനറൽ സെക്രട്ടറി കൂടിയായ ഷേണി 'തോട്ടട മനെ'യിലെ ജെ.എസ്. സോമശേഖര 14ാം വാർഡായ ഷേണിയിലും സഹോദരനും അധ്യാപകനുമായ ജെ.എസ്. രാധാകൃഷ്ണൻ 11ാം വാർഡായ ബെദ്രം പള്ളയിലുമാണ്​ ജനവിധി തേടിയത്​. ജ്യേഷ്​ഠ സഹോദരനായ ജെ.എസ്​. രാധാകൃഷ്​ണൻ കന്നിയങ്കത്തിൽ തന്നെ ബദ്രംപള്ള വാർഡ്​ സി.പി.എമ്മിൽനിന്ന് പിടിച്ചെടുത്തു. 2010 മുതൽ 2015 വരെ ജെ.എസ്. സോമശേഖര എൻമകജെ ഗ്രാമപഞ്ചായത്ത് പ്രസിഡൻറായിരുന്നു. 2015ൽ ബി.ജെ.പി കോട്ടയിൽ മത്സരിച്ച്​ കോൺഗ്രസിനുണ്ടായിരുന്ന 110 വോട്ട്​​ 340 ആക്കി ഉയർത്താനായെങ്കിലും പരാജയപ്പെട്ടു. അവിശ്വാസ പ്രമേയത്തിലൂടെ ബി.ജെ.പിയെ താഴെയിറക്കി 2018 മുതൽ 2020ൽ കാലാവധി തീരുന്നതുവരെ ഇവരുടെ മാതാവ് വൈ. ശാരദയായിരുന്നു എൻമകജെ പഞ്ചായത്ത്​ പ്രസിഡൻറ്. 2000 മുതൽ നീണ്ട 20 വർഷക്കാലം പഞ്ചായത്തംഗമായ ശാരദ ഇത്തവണ മത്സരിച്ചിട്ടില്ല. 2000-05 കാലഘട്ടത്തിലും ശാരദയായിരുന്നു ഗ്രാമപഞ്ചായത്ത്​ പ്രസിഡൻറ്​. എൻമകജെ പഞ്ചായത്തിലെ ഒന്നും രണ്ടും വാർഡുകളിൽ ഇത്തവണയും ദമ്പതികൾ മത്സര രംഗത്തുണ്ടായിരുന്നെങ്കിലും ഭാര്യക്ക്​ മാത്രമാണ്​ ജയിക്കാനായത്​. സംവരണ വാർഡ്​ മാറിയതിനാൽ പരസ്പരം വാർഡുകൾ വെച്ചു മാറിയാണ്​ ഇത്തവണ ഇരുവരും മത്സരിച്ചത്​. രണ്ടാം വാർഡായ ചവർക്കാടി​ൻെറ പ്രതിനിധിയായിരുന്നു ഭർത്താവ്​ െഎത്തപ്പ കുളാൽ. ഒന്നാം വാർഡ്​ സായയുടെ പ്രതിനിധി ഭാര്യ ജയശ്രീ എ. കുളാലും. ഇത്തവണ ഒന്നാം വാർഡ്​ ജനറലും രണ്ടാം വാർഡ്​ വനിത സംവരണവുമായി. ഇതോടെയാണ്​ വാർഡുകൾ വെച്ചുമാറിയത്​. എന്നാൽ, 2000 മുതൽ തുടർച്ചയായി എൻമകജെ പഞ്ചായത്തംഗമായ ​െഎത്തപ്പക്ക്​ അഞ്ചാം അങ്കത്തിൽ കാലിടറി. മൂന്നാമനായാണ്​ ഐത്തപ്പ പിന്തള്ളപ്പെട്ടത്​. മഹേഷ്​ ഭട്ട്​ -ബി.ജെ.പി (603), രാമകൃഷ്​ണ റൈ -സി.പി.എം (315), ഐത്തപ്പ കുളാൽ -കോൺഗ്രസ്​ (265) എന്നിങ്ങനെയാണ്​ സായയിലെ വോട്ടുനില. രണ്ടാമങ്കത്തിൽ ഭാര്യ ജയശ്രീ വിജയിക്കുകയും ചെയ്​തു. ജയശ്രീ 498 വോട്ടുനേടിയപ്പോൾ മമത യു. റൈ (ബി.ജെ.പി) 275 വോട്ടു മാത്രമാണ്​ നേടിയത്​.
Show Full Article
TAGS:
Next Story